అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
తెలుగు వెలుగుల ఆత్మీయ పురస్కారాలు స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదిక పై ఆంధ్రకేసరి టంగుటూరి ప్రకాశం పంతులుగారి జయంతి సందర్బంగా యువకళావాహిని, కళావిపంచి సంయుక్త నిర్వహణలో తెలుగు వెలుగుల పురస్కార సభాజరిగింది. సభాధ్యక్షులు గా యువకళావాహిని అధ్యక్షులు లంక లక్ష్మీనారాయణ, ముఖ్య అతిధిగా ఛైర్మెన్, ఆంధ్రప్రదేశ్ టెక్నాలజీ సర్వీసెస్ , మన్నవ మోహన కృష్ణ , గౌరవ అతిధిగా ఛైర్మెన్ నాటక అకాడమీ, ఆంధ్రప్రదేశ్, గుమ్మడి గోపాలకృష్ణ , ఆత్మీయ అతిధులుగా కళ పత్రిక సంపాదకులు డాక్టర్ మహమ్మద్ రఫీ , కళావిపంచి గౌరవ అధ్యక్షులు, డాక్టర్ రామరాజు శ్రీనివాసరావు, వేదిక అధ్యక్షులు డాక్టర్ ముత్తవరపు సురేష్ బాబు, ఆలయ పాలకమండలి అధ్యక్షులు సి. హెచ్. మస్తానయ్య , సహా కార్యదర్శి వూటుకూరి నాగేశ్వరరావు పాల్గొని జ్యోతి ప్రజ్వలనతో కార్యక్రమాలను ప్రారంభించారు. అతిధులు ఆంధ్ర కేసరిగా టంగుటూరు ప్రకాశం పంతులు చిరస్మరణీయుడని , అయన చేసిన సేవలు మరువలేనివని అన్నారు. అనంతరం పలు రంగాలలో నిష్టాతులుగా ఎంపికైన పురస్కార గ్రహీతలు...