అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
గౌరీకల్యాణం జగత్కల్యాణం
స్థానిక బృందావన్ గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళావేదికపై బుధవారం గౌరీ కల్యాణం పై ఆధ్యాత్మిక ప్రవచనం జరిగింది. తొలుత ఆలయకమిటి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, వుయ్యూరు లక్ష్మీనరసింహరావు జ్యోతిప్రజ్వలన చేసి కార్యక్రమాన్ని ప్రారంభించారు. తెలుగు లెక్చరర్, పాలకొల్లు చాగంటి సత్యవరాహ నరసింహ లింగరాజు ప్రవచనం చేస్తూ అమరావతి నిర్మాణకర్త ఐన శ్రీరాజా వాసిరెడ్డి వేంకటాద్రి నాయుడి జీవిత చరిత్రను సంక్షిప్తంగా వివరించి, గౌరీకల్యాణ కథను ప్రారంభించి దక్షయజ్ఞ కథాభాగంతో మొదలు పెట్టి శ్రీ పార్వతీ పరమేశ్వర కల్యాణ కథామృతాన్ని తన వాక్కుల ద్వారా వివరించి ప్రేక్షక శ్రోతలకు సంతోషం కలిగించారు.
కామెంట్‌లు
కామెంట్‌ను పోస్ట్ చేయండి