అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
ముగిసిన ఉపనిషత్ స్రవంతి కటోపనిషత్ ప్రవచనము
అన్నమయ్య కళావేదికపై ఉపనిషత్ స్రవంతిలో భాగంగా కటోపనిషత్ పై ఆధ్యాత్మిక ప్రవచనం జరిగింది. చిన్మయమిషన్ పూజ్యశ్రీ సువీరానంద స్వామి ప్రవచిస్తూ కేవలం శాస్త్రాలు చదవడం వల్ల గానీ, మేధస్సు వల్ల గానీ ఆత్మజ్ఞానం లభించదు. దుష్ప్రవర్తనను వదిలి, ఇంద్రియ నిగ్రహం పాటించి, ప్రశాంత చిత్తంతో అంతర్ముఖులైన సాధకులకు మాత్రమే ఈ ఆత్మసాక్షాత్కారం లభిస్తుందన్నారు. పరమాత్మ జ్ఞానమే అత్యున్నతమైనదని, ఐహిక సంపదలు పరమార్ధానికి దోహదపడవని చాటిచెప్పడమే ఈ రెండవ వల్లిలోని ప్రధాన సారమన్నారు.
కామెంట్‌లు
కామెంట్‌ను పోస్ట్ చేయండి