అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
నిష్టాతులకు కళాసారధి గుదిబండి వెంకటరెడ్డి జీవన సాఫల్య పురస్కార ప్రధానం
స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై ఆరాధన ఆర్ట్స్ అకాడమీ, రామరాజు ఫౌండేషన్, గుంటూరు ఎన్. టి. ఆర్. కళాపరిషత్, సాతులూరు వారి సంయుక్త నిర్వహణలో ఆదివారం జి.వి.ఆర్. కల్చరల్ ఫౌండేషన్, హైదరాబాద్ వ్యవస్థాపక ఛైర్మన్, కళాసారధి గుదిబండి వెంకటరెడ్డి జీవన సాఫల్య పురస్కార సభ జరిగింది. సభాకార్యక్రమానికి సభాధ్యక్షులుగా చెరుకూరి సాంబశివరావు, ముఖ్యఅతిథిగా ఆంధ్రప్రదేశ్ రియల్ఎస్టేటు దామచర్ల శ్రీనివాసరావు, గౌరవ అతిధులుగా ప్రముఖ చార్టెడ్ అకౌంటెంట్ చిటిపోతు రామాంజనేయులు, టాక్స్ కన్సల్టెంట్ బొల్లేపల్లి శ్రీనివాసరావు, చార్టెడ్ అకౌంటెంట్ జొన్నలగడ్డ శ్రీనివాస్, ఆలయ పాలకమండలి అధ్యక్షులు సి. హెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు పాల్గొని జ్యోతి ప్రకాశనంతో సభాకార్యక్రమాలను ప్రారంభించారు. ముఖ్య అతిధి మాట్లాడుతూ గుదిబండి వెంకటరెడ్డి స్మరణిక ఆత్మీయుల జ్ఞాపకాల తోరణం ఏళ్ళ తరబడి అలుపెరగని సాంస్కృతిక యోధుడిగా, పోరాడి దివంగతులైన గుదిబండి వెంకటరెడ్డి అడుగుజాడలు భావితరం సాంస్కృతిక రంగ ప్రవేశికులకు స్ఫూర్తిదాయకమన్నారు. అనంతరం పురస్కార గ్రహీతలు స్వర్గీయ జాస్తి హరిబాబు తరపున కుమార్తె పోతినేని శిరీష , సమాజ సేవ రంగం లో అవ్వారి వెంకట మంగాదేవి, నవ మల్లెతీగ పత్రిక సంపాదకులు కె. సాంబశివరావు (కలిమిశ్రీ ), నటనారంగం జానా రామయ్య లకు అతిధులు పురస్కార ప్రదానం చేసి ఘనంగా సత్కరించి, స్మరణిక సంచికను ఆవిష్కరించారు. సభానంతరం తారకరామా కళాస్రవంతి పెదకాకాని వారి శ్రీ గణపతి మహత్యం నాటకంలోని సన్నివేశాన్ని ప్రదర్శించి కళాభిమానులను అలరించారు. తొలుత కార్యక్రమాలను బొల్లేపల్లి సుబ్బారావు సినీ మధురగీతాలతో ప్రారంభించారు. కార్యక్రమంలో సంస్థ కార్యవర్గం డి. తిరుమలేశ్వరరావు, నడింపల్లి వెంకటేశ్వరావు, జానీ బాషా, గరికపాటి వెంకటరామారావు, డాక్టర్ బాబు పాల్గొన్నారు.
కామెంట్‌లు
కామెంట్‌ను పోస్ట్ చేయండి