ఆకాశదీపం ప్రారంభం స్థానిక బృందావన్ గార్డెన్స్ శ్రీ వేంకటేశ్వర్వసామి వారి దేవాలయ ప్రాంగణంలో కార్తీకమాసం ప్రారంభం సందర్భంగా మంగళవారము ఆలయంలో ఆలయ ప్రధాన అర్చకులు కృష్ణస్వామి బృందంచే ములవిరాట్‌లకు ప్రత్యేక పూజలు నిర్వహించిన ద్వజస్తంభం వద్ద ఆకాశదీపం వెలిగించి పూజలు నిర్వహించి ఆకాశదీపం అరోహణ గావించారు. అధిక సంఖ్యలో భక్తులు, సువాసినీలు పూజలో పాల్గొని స్వామివారిని దర్శించి తీర్థప్రసాదాలను స్వీకరించారు.
అలరించిన కర్రా నాగవైష్ణవి శాస్త్రీయ సంగీత కచేరి
స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై గాయత్రీ మహిళా సంగీత సన్మండలి ఆధ్వర్యంలో శనివారము శ్రీ ముత్తుస్వామి దీక్షితులవారి 191 వ ఆరాధన సంగీతోత్సవం సందర్బంగా సంగీత సభ జరిగింది. తొలుత సభా కార్యక్రమంలో ముఖ్య అతిధిగా డాక్టర్ నల్లపాటి ప్రవీణ్ కుమార్, అతిధులు డాక్టర్ కార్తీక్, డాక్టర్ జి. సుస్వర, ఆలయపాలక మండలి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు పాల్గొని జ్యోతి ప్రజ్వలనతో కార్యక్రమాలను ప్రారంభించారు. సభానంతరం కర్రా నాగవైష్ణవి, చెన్నై వారి శాస్త్రీయ సంగీత గాత్ర కచేరి అభిమానులను అలరించింది. వీరికి వయోలిన్‌పై కోట గాయత్రీ వరేణ్య, చెన్నై, మృదంగంపై టి.వి. కృష్ణవంశీ, తిరుపతి వారు చక్కటి వాయిద్య సహకారాన్ని అందించారు. నాగవైష్ణవి కచేరీలో ముత్తుస్వామి దీక్షితులవారి కృతులను గానం చేసి అలరించారు. గాయత్రీ మహిళా సంగీత సన్మండలి సంస్థ అధ్యక్షురాలు డాక్టర్ పి. విజయ, ప్రధాన కార్యదర్శి ఎమ్. వై. శేషురాణి, ఉపాధ్యక్షులు మాధవపెద్ది మీనాక్షి, డాక్టర్ రాజరాజేశ్వరి, పాటిబండ లలిత, కార్యదర్శి ఏ.వి. మంగాదేవి, కోశాధికారి మాధవపెద్ది విజయలక్ష్మి, సహ కార్యదర్శి, మాధవికృష్ణ తదితరులు విచ్చేసిన అతిథులను, కళాకారులను ఘనంగా సత్కరించారు.
కామెంట్‌లు
కామెంట్‌ను పోస్ట్ చేయండి