ఘనంగా నటరాజ సంగీత నృత్య కళాశాల వార్షికోత్సవం - 05.11.2026

ఘనంగా నటరాజ సంగీత నృత్య కళాశాల వార్షికోత్సవం

నటరాజ సంగీత నృత్య కళాశాల 21వ వార్షికోత్సవ వేడుకలు గురువారం సాయంత్రం స్థానిక బృందావన గార్డెన్స్ శ్రీ వెంకటేశ్వర స్వామి వారి ఆలయం నందు పద్మావతి కళ్యాణవేదికపై నిర్వహించారు. తొలుత ఆలయ అధ్యక్షులు సి.హెచ్. మస్తానయ్య, ఆలయ కమిటీ సంయుక్త కార్యదర్శి ఊటుకూరి నాగేశ్వరరావు, మాజీ మంత్రి డాక్టర్ శనక్కాయల అరుణ, కాజ వెంకట సుబ్రహ్మణ్యం, శనక్కాయల రాధా మాధవి జ్యోతి ప్రజ్వలన చేసి ప్రారంభించారు. ఈ కార్యక్రమంలో గజానన యుతం గణేశ్వరం, రామాయణ శబ్దం, పుష్పాంజలి, చరణములే నమ్మితి, గోవింద నామాలు, జయ జయ దుర్గే, దశావతార శబ్దం, తక్కువేమి మనకు, వినాయకౌత్వం,కృష్ణం కలయసఖి, నాట్య హేల అను కూచిపూడి నృత్యంశాలను చిన్నారులు ప్రదర్శించారు. చిన్నారులు ప్రదర్శించిన నృత్యము ప్రేక్షకులను అలరించాయి. ఈ సందర్భంగా విచ్చేసిన ముఖ్య అతిధుల చేతుల మీదుగా చిన్నారులకు జ్ఞాపికలు అందజేసి ఆశీర్వదించారు. ఈ కార్యక్రమాన్ని నిర్వహించి నృత్య దర్శకత్వం వహించిన నాట్యాచారిని ఆనంతుల విజయ కుమారిని అభినందించారు. కార్యక్రమాన్ని అనంతుల ప్రణయనాథ రెడ్డి, విజయ కుమారి పర్యవేక్షించారు.