అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
దీర్ఘకాలిక నొప్పులపై అవగాహన సదస్సు
స్థానిక బృందావన్ గార్డెన్స్ శ్రీ వేంకటేశ్వరస్వామివారి దేవాలయం అన్నమయ్య కళావేదికపై గుంటూరుజిల్లా సీనియర్ సిటిజన్స్ సర్వీస్ ఆర్గనైజేషన్ వారి ఆధ్వర్యంలో దీర్ఘకాలిక నొప్పులపై అవగాహన సదస్సు కార్యక్రమం జరిగింది. తొలుత తొలుత ఆలయ కమిటి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, సంస్థ వారు జ్యోతిప్రజ్వలన చేసి కార్యక్రమాన్ని ప్రారంభించారు. డాక్టర్ మురళీస్ అడ్వాన్స్‌డ్ సెంటర్ ఫర్ పెయిన్ మేనేజ్‌మెంట్, విజయవాడ ప్రముఖ పెయిన్ స్పెషలిస్ట్ డాక్టర్ చావ మురళీకృష్ణ మాట్లాడుతూ దీర్ఘకాలిక నొప్పులు సాధారణంగా 3 నుండి 6 నెలల కంటే ఎక్కువ కాలం నిరంతరం వేధించే తీవ్రమైన ఆరోగ్య సమస్య అన్నారు. వయసు పెరగడం వల్ల వచ్చే ఆర్థరైటిస్ కీళ్ల నొప్పులు, డిస్క్ సమస్యల వల్ల వచ్చే వెన్ను నొప్పులు, మధుమేహం వల్ల కలిగే నరాల బలహీనతలు, మైగ్రేన్ తలనొప్పులు దీనికి ప్రధాన రూపాలుగా ఉంటాయన్నారు. పాత గాయాలు సరిగ్గా మానకపోవడం, నాడీ వ్యవస్థ మెదడుకు నిరంతరం నొప్పి సంకేతాలను పంపడం, శారీరక శ్రమ లేకపోవడం మరియు తీవ్రమైన మానసిక ఒత్తిడి ఈ నొప్పులు దీర్ఘకాలం కొనసాగడానికి ముఖ్య కారణాలు అన్నారు. ఈ సమస్య నుండి ఉపశమనం పొందడానికి సొంతంగా పెయిన్ కిల్లర్స్ వాడకుండా, వెంటనే నొప్పి నిపుణులను సంప్రదించి సరైన చికిత్స పొందడం చాలా అవసరమన్నారు. క్రమం తప్పకుండా యోగా, వాకింగ్ లేదా ఫిజియోథెరపీ చేయడం వల్ల కండరాలు బలంగా మారి నొప్పి తీవ్రత తగ్గుతుందన్నారు.
కామెంట్‌లు
కామెంట్‌ను పోస్ట్ చేయండి