కఠోపనిషత్ పై ప్రవచనము స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయం పద్మావతి కళ్యాణవేదికపై సోమవారం బండ్లమూడి విజయలక్ష్మి సౌజన్యంతో ఉపనిషత్ స్రవంతిలో కఠోపనిషత్ పై ఆధ్యాత్మిక ప్రవచనం జరిగింది. తొలుత ఆలయకమిటి సభ్యులు జ్యోతిప్రజ్వలన చేసి కార్యక్రమాన్ని ప్రారంభించారు. చిన్మయమిషన్ సువీరానందస్వామి ప్రవచిస్తూ కఠోపనిషత్తు రెండవ అధ్యాయం , తృతీయ వల్లీలో పరమాత్మ ఉన్నాడు అనే నిశ్చయాత్మక విశ్వాసంతో సాధన ప్రారంభించినప్పుడే ఆ పరబ్రహ్మ నిజస్వరూపం అనుభవంలోకి వస్తుందని యముడు తెలుపుతాడన్నారు. ఆ తర్వాత , హృదయంలోని సమస్త కోరికలు మరియు అజ్ఞాన బంధాలు జీవించి ఉన్నప్పుడే తొలగిపోతే , మరణించే స్వభావం ఉన్న మానవుడు ఇక్కడే అమరత్వాన్ని సాధించి బ్రహ్మత్వాన్ని పొందుతాడని స్పష్టం చేస్తాడన్నారు. హృదయానికి ఉండే 101 నాడులలో శిరస్సు వైపు వెళ్లే సుషుమ్నా నాడి ప్రాశస్త్యాన్ని వివరిస్తూ , మరణ సమయంలో ఈ నాడి ద్వారా పయనించినవాడు అమరత్వాన్ని పొందుతాడన్నారు.
ఆకట్టుకున్న సంగీత కదంబ కార్యక్రమము
స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయం అన్నమయ్య కళావేదికపై గురువారం సాయిశృతి మ్యూజిక్ అకాడమీ ఆర్. ప్రేమ్‌కుమార్ ఆధ్వర్యంలో సంగీత కదంబ కార్య్రకమము. కార్యక్రమాలను ఆలయ పాలకమండలి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, సంస్థ వారు జ్యోతిప్రజ్వలన చేసి కార్యక్రమాలను ప్రారంభించారు. అనంతరం యువకళాకారులచే గాత్రం, వయోలిన్, కీబోర్డు, తబల, డ్రమ్స్, వీణా, మృదంగంతో పాటు 12 వివిధ రకాల వాయిద్యలలో ఆర్. ప్రేమ్ కుమార్ వద్ద శిక్షణ పొందిన విద్యార్దినీ, విద్యార్ధులు ఉత్సాహంగా పాల్గొని తమ ప్రతిభతో కళాభిమానులను అలరించారు.
కామెంట్‌లు
కామెంట్‌ను పోస్ట్ చేయండి