సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
సుందరకాండ సుందరమైనది
స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయం అన్నమయ్య కళావేదికపై మంగళవారం సుందరకాండ సుందరమైనది ఎందుకు? అనే అంశంపై ఆధ్యాత్మిక ప్రవచనం జరిగింది. తొలుత ఆలయకమిటి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. బాషాప్రవీణ నిష్ఠల సుబ్రహ్మణ్యశాస్త్రి ప్రవచిస్తూ రామాయణంలో సుందరకాండ అత్యంత శుభప్రదమైనది, ఆశాజనకమైనదన్నారు. సుందర అంటే కేవలం అందమే కాక మంగళం, విజయం అని కూడా అర్థమన్నారు. నిరాశలో ఉన్న రాముడికి హనుమంతుడు సీతాదేవి ఆచూకీని కనుగొని చూశాను సీతను అనే దివ్యమైన వార్తను అందించడం ఈ కాండలోని ప్రధాన ఘట్టమన్నారు. హనుమంతుని అద్భుత పరాక్రమం, నిశ్చలమైన రామానుగ్రహ భక్తి, మనోహరమైన కావ్య వర్ణనలు మరియు చదివేవారికి ధైర్యాన్ని, ఆనందాన్ని ప్రసాదించే శుభ పరిణామాలు నిండి ఉండటం వల్లే ఇది నిజంగా సుందరమైనదిగా నిలిచిందన్నారు.
కామెంట్లు
కామెంట్ను పోస్ట్ చేయండి