అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
ఆకట్టుకున్న తెలుగుతల్లి నృత్య రూపకం
స్థానిక బృందావన్ గార్డెన్, శ్రీ వెంకటేశ్వర స్వామి దేవాలయంలో, అన్నమయ్య కళావేదికపై జరుగుతున్న శ్రీ సాయి మంజీరా కూచిపూడి ఆర్ట్ అకాడమీ నిర్వహిస్తున్న 16వ అంతర్జాతీయ నృత్య దినోత్సవాలు ఐదవ రోజుకు చేరుకున్నాయి. సంస్థ అధ్యక్షుడు డాక్టర్ భూసురపల్లి వెంకటేశ్వర్లు అధ్యక్షతన జరిగిన సభకు ప్రముఖ హరి కథకులు ముప్పవరపు సింహాచల శాస్త్రి విచ్చేశారు. కళారత్న డాక్టర్ కాజ సుబ్రహ్మణ్యం నృత్య దర్శకత్వం, సూత్ర దారిత్వలో కోకా విమల కుమారి రచించిన తెలుగు తల్లి" నృత్య రూపకం ప్రేక్షకులను ఆకట్టుకుంది. విద్యావేత్త నూతలపాటి తిరుపతయ్య పాల్గొన్నారు.
కామెంట్లు
కామెంట్ను పోస్ట్ చేయండి