అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
ఆకట్టుకున్న నృత్య ప్రదర్శనలు
స్థానిక బృందావన్ గార్డెన్, శ్రీ వెంకటేశ్వర స్వామి దేవాలయంలో, అన్నమయ్య కళావేదికపై జరుగుతున్న శ్రీసాయి మంజీరా కూచి పూడి ఆర్ట్ అకాడమీ వారు నిర్వహిస్తున్న 16వ అంతర్జాతీయ నృత్య దినోత్సవం నాలుగో రోజుకు చేరుకుంది. ఆదివారం కార్యక్రమాల్ని ఆలయ కమిటీ ఉపాధ్యక్షుడు లంకా విజయబాబు ప్రారంభించారు. అనంతరం బెంగుళూరుకు చెందిన డాక్టర్ ఉన్ని కృష్ణన్- మోహిన అట్టం, కాసర వల్లి క్షితిజ-భారతనాట్యం, జార్ఖండ్ చెందిన తరిత్ సర్కార్ కథక్, మణిపూర్కు చెందిన గోపాల్సింగ్-మణిపూరి నృత్య ప్రదర్శనలు ప్రేక్షకులను అలరించాయి. సంస్థ కార్యదర్శి డాక్టర్ ఖాజ వేంకట సుబ్రహ్మణ్యం కళాకారులను యువ కళారత్న పురస్కారంతో ఘనంగా సత్కరించారు. ఈ కార్యక్రమాలను సంస్థ కోశాధికారి వెంకటగిరి నాగలక్ష్మి, నారా రాధిక పర్యవేక్షించారు.
కామెంట్లు
కామెంట్ను పోస్ట్ చేయండి