అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
అయోధ్య కాండలో ఆదర్శాలు ఎన్నో
రామాయణంలోని అయోధ్యకాండలో అడుగడుగునా ఎన్నో ఆదర్శాలు కనిపిస్తాయని సుప్రసిద్ధ సంస్కృతాంధ్ర పండితుడు డాక్టర్ మైలవరపు శ్రీనివాసరావు అన్నారు. స్థానిక బృందావన గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదిక మీద ముప్పవరపు కేశవరావు శత జయంతి ఉత్సవాలు జరుగుతు న్నాయి. ప్రముఖ హరికథకుడు ముప్పవరపు వేంకట సింహాచలశాస్త్రి నిర్వహణలో కార్యక్రమాలు జరుగుతున్నాయి. శనివారం రాత్రి జరిగిన కార్యక్రమంలో వాల్మీకి రచించిన రామాయణంలోని అయోధ్య కాండ 63వ సర్గ నుంచి చివరి వరకు జరిగిన వివిధ అంశాలను డాక్టర్ మైలవరపు శ్రీనివాసరావు విశ్లేషించి చెప్పారు. ఈ కాండలో కనిపించే ప్రతి పాత్రలోనూ నేటి మానవాళి అనుసరించ తగ్గ ఆదర్శాలు ఎన్నో ఉన్నాయన్నారు. రామలక్ష్మణుల వనవాస దీక్ష, వన ప్రయాణం, గుహుని ఆతిథ్యం, చిత్రకూట నివాసం, దశర దుని మరణం, పాదుకాపట్టాభిషేకం వరకు ఉన్న పలు అంశాలను వివరించారు. కార్యక్రమంలో ముఖ్యఅతిథిగా పాల్గొన్న ఆదాయ పన్ను శాఖ అసిస్టెంట్ డైరెక్టర్(బెంగళూరు) కె.ఎస్.ఎ. శేష శైలేంద్ర మాట్లాడుతూ పురాణాలు, ఉపనిషత్తులోని కథాంశాలు, వాటిలోని ఆధ్యాత్మిక, వైజ్ఞానిక అంశాలను నేటి తరానికి తెలి యజేయాల్సిన అవసరం ఎంతైనా ఉందన్నారు. తొలుత ఆలయ పాలకమండలి. అధ్యక్ష, కార్యదర్శులు సీహెచ్.మస్తానయ్య, బొర్రా ఉమామహేశ్వరరావు, ఊటుకూరి నాగేశ్వరరావు తదితరులు జ్యోతి వెలిగించి కార్యక్రమాన్ని ప్రారంభించారు.
కామెంట్‌లు
కామెంట్‌ను పోస్ట్ చేయండి