సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
గోపాలకృష్ణకు జీవన సాఫల్య పురస్కారం
గుళ్లపల్లి సుబ్బారావు సేవా సంస్థ ఆధ్వర్యంలో బృందావన్ గార్డెన్స్ శ్రీవేంకటేశ్వరస్వామి దేవస్థానంలోని అన్నమయ్య కళావేదికపై డాక్టర్ మద్దినేని గోపాలకృష్ణకు జీవన సాఫల్య పురస్కార ప్రదానం మంగళవారం రాత్రి జరిగింది. ఆలయ పాలకమండలి అధ్యక్షుడు చిటిపోతు మస్తానయ్య జ్యోతి వెలిగించి కార్యక్రమాన్ని ప్రారంభించారు. రాష్ట్ర హైకోర్టు విశ్రాంత న్యాయమూర్తులు ఆకుల వెంకట శేషసాయి, గన్నమనేని రామకృష్ణప్రసాద్లు.. డాక్టర్ గోపాలకృష్ణయ్య వైద్య సేవలను ప్రశంసించారు. కవి రాజచరిత్ర (కమ్మజన వర కీర్తి చంద్రిక), జీవన దాత.. విద్యా ప్రదాత మద్దినేని గోపాలకృ 'ష్ణయ్య' పుస్తకాలను అతిథులు ఆవిష్కరించారు. రాగాలు సుస్ధిరం: సభానంతరం ఆకాశవాణి విశ్రాంత డిప్యూటీ డైరెక్టర్ మంగళగిరి ఆదిత్యప్ర సాద్ కర్ణాటక, హిందూస్థానీ సంగీతాల విశేషాలను ఉదాహరణ పూర్వకంగా రాగరవళి పేరుతో గీతాలాపన, పద్యగానాలు చేస్తూ నిర్వహించారు. సభకు గోళ్ల నారాయణరావు అధ్యక్షత వహించారు. ఎం. రవికృష్ణ సమన్వయకర్తగా వ్యవహరించారు. కార్యక్ర మంలో స్వాతి, డాక్టర్ సృజన్ కుమార్, గుళ్లపల్లి శాంతి, డాక్టర్ నేహా, సేవా సంస్థ కన్వీనర్ గుళ్లపల్లి రాఘవేంద్రరావు తదితరులు పాల్గొన్నారు.
కామెంట్లు
కామెంట్ను పోస్ట్ చేయండి