ముక్కోటి.. ఉత్తర ద్వార దర్శనం - పోటెత్తిన భక్తకోటి - 30.12.2025

ముక్కోటి.. ఉత్తర ద్వార దర్శనం - పోటెత్తిన భక్తకోటి

ముక్కోటి ఏకాదశి పర్వదినం మంగళవారం నగరమంతటా వైభవంగా జరిగింది. వైష్ణవాలయాలన్నీ తెల్లవారుజామున మూడు గంటల నుంచే భక్తజనసందోహంతో కిటికిటలాడాయి. ఆలయాల నిర్వాహకులు సోమవారం రాత్రికే భక్తుల కోసం సౌకర్యాలను సిద్ధం చేసి ఉంచారు. ఆలయాల ఉత్తర ద్వారాల వద్ద ఉత్సవమూర్తులను అందంగా పూలమాలలతో అలంకరించి పీఠంపై స్వామి ఆశీనుడై ఉన్నట్టు ఆకర్షణీ యంగా అలంకరించారు. మరికొన్ని చోట్ల ఆలయ సంప్రదాయ రీతులు అనుసరించి స్వామి, దేవేరుల ఉత్సవమూర్తులను ఉత్తర ద్వారం దగ్గర వేంచేయించి ప్రత్యేక పూజలు నిర్వహించారు.