భక్తిశ్రద్ధలతో మహా చండీయాగ పూర్ణాహుతి స్థానిక బృందా వన్ గార్డెన్స్ వెంకటేశ్వరస్వామి ఆలయ ప్రాంగణంలో భారతీ ధార్మిక విజ్ఞాన పరిషత్, వేంకటేశ్వరస్వామి దేవాలయ పాలక మండలి సంయుక్త ఆధ్వర్యంలో విశ్వశాంతి, రాజధాని అమరావతి అభివృద్ధి, లోక కల్యాణాన్ని కాంక్షిస్తూ గత 14 రోజులుగా నిర్వహిస్తున్న చండీహోమం సోమవారం మహా పూర్ణాహుతి జరిపారు. భారతీ ధార్మిక విజ్ఞాన పరిషత్ వ్వవస్థాపక అధ్యక్షుడు బొల్లేపల్లి సత్యనారాయణ, లలితాంబ దంపతులు 11 మంది వేద పండితుల ఆధ్వర్యంలో లక్ష్మి మహాగణపతికి, నవగ్రహాలకు, రుద్రుడికి అభి షేకాలు, అర్చనలు చేశారు. కలశపూజ, లక్ష్మీగణపతి, రుద్ర, చండీహోమం, 108 రకాల హోమద్రవ్యాలతో మహాపూర్ణాహుతి నిర్వహించారు. భక్తులకు అన్నప్రసాద వితరణ జరిగింది. ఆలయ కమిటీ అధ్యక్షుడు సీహెచ్ మస్తా నయ్య, ఉపాధ్యక్షుడు లంకా విజయబాబు, సూర్యదేవర వెంకటేశ్వరరావు, ప్రధాన కార్యదర్శి బొర్రా ఉమామహేశ్వరరావు, సహాయ కార్యదర్శులు పుట్ట గుంట ప్రభాకరరావు, ఊటుకూరి నాగేశ్వరావు తదితరులు పాల్గొన్నారు.
అలరించిన భక్త రామదాసు సంగీత సాహిత్య రూపకం
స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం, అన్నమయ్య కళావేదికపై శనివారం సంస్థ వ్యవస్థాపక అధ్యక్షురాలు గద్దె రామతులశమ్మ, జనచైతన్య హౌసింగ్ లిమిటెడ్ అధినేత మాదల రత్నగిరి బాబు సౌజన్యంతో ఏపీ సీనియర్ సిటిజన్ వెల్ఫేర్ అసోసియేషన్ మహిళా విభాగం ఆధ్వర్యంలో ప్రదర్శించిన భక్త రామదాసు సంగీత సాహిత్య రూపకం పలువురిని విశేషంగా అలరించింది. తొలుత తిరుప్పావై 4వ పాశురంపై డాక్టర్ కోగంటి వేంకట శ్రీరంగనాయకి ప్రవచనం చేశారు. అనంతరం విజయవాడ వీరమాచనేని పెద్దయ్య, నారాయణ, లిటిల్ బ్రెయిన్ పాఠశాలల విద్యార్థులు తమ పాత్రల ద్వారా భక్త రామదాసు సంగీత రూపకాన్ని ప్రదర్శించి ప్రేక్షకులను ఆకట్టుకున్నారు. కార్యక్రమంలో మాదల రత్నగిరిబాబు, విజయసారథి, డాక్టర్ తూనుగుంట్ల రాధాబాయి, మైలవరపు లలితకుమారి, విజయలక్ష్మి, పాలకమండలి అధ్యక్షుడు చిట్టిపోతు మస్తానయ్య తదితరులు పాల్గొన్నారు.
కామెంట్లు
కామెంట్ను పోస్ట్ చేయండి