భక్తిశ్రద్ధలతో మహా చండీయాగ పూర్ణాహుతి స్థానిక బృందా వన్ గార్డెన్స్ వెంకటేశ్వరస్వామి ఆలయ ప్రాంగణంలో భారతీ ధార్మిక విజ్ఞాన పరిషత్, వేంకటేశ్వరస్వామి దేవాలయ పాలక మండలి సంయుక్త ఆధ్వర్యంలో విశ్వశాంతి, రాజధాని అమరావతి అభివృద్ధి, లోక కల్యాణాన్ని కాంక్షిస్తూ గత 14 రోజులుగా నిర్వహిస్తున్న చండీహోమం సోమవారం మహా పూర్ణాహుతి జరిపారు. భారతీ ధార్మిక విజ్ఞాన పరిషత్ వ్వవస్థాపక అధ్యక్షుడు బొల్లేపల్లి సత్యనారాయణ, లలితాంబ దంపతులు 11 మంది వేద పండితుల ఆధ్వర్యంలో లక్ష్మి మహాగణపతికి, నవగ్రహాలకు, రుద్రుడికి అభి షేకాలు, అర్చనలు చేశారు. కలశపూజ, లక్ష్మీగణపతి, రుద్ర, చండీహోమం, 108 రకాల హోమద్రవ్యాలతో మహాపూర్ణాహుతి నిర్వహించారు. భక్తులకు అన్నప్రసాద వితరణ జరిగింది. ఆలయ కమిటీ అధ్యక్షుడు సీహెచ్ మస్తా నయ్య, ఉపాధ్యక్షుడు లంకా విజయబాబు, సూర్యదేవర వెంకటేశ్వరరావు, ప్రధాన కార్యదర్శి బొర్రా ఉమామహేశ్వరరావు, సహాయ కార్యదర్శులు పుట్ట గుంట ప్రభాకరరావు, ఊటుకూరి నాగేశ్వరావు తదితరులు పాల్గొన్నారు.
ఘనంగా మహతీస్వర సుధ రజతోత్సవాలు
స్థానిక బృందావన్ గార్డెన్స్ వేంకటేశ్వరస్వామి దేవాలయ ప్రాంగణం పద్మావతి కల్యాణ వేదికపై ఆదివారం మహతీస్వర సుధ సంస్థ రజతోత్సవాల ముగింపు కార్యక్రమాలు జరిగాయి. గాయనీ గాయకులు పత్రి నిర్మల, సురభి శ్రావణి, రాజ్యలక్ష్మి, సాహిత్య, జరీనా, హేమమాలిని, ప్రద్యుమ్న, హరికృష్ణ, రసూల్బాబు, కమల్ కిషోర్, వీరయ్య, డాక్టర్ వీర రాఘవ, డాక్టర్ మురళీబాబూరావు, షేక్ వలి, కృష్ణప్రసాద్లు పాత తెలుగు చల నచిత్రా గీతాలను ఆలపించారు. సంస్థ ప్రధాన కార్యదర్శి మాట్లాడుతూ దాతలు, కళాకారులు, ఆలయ పాలక మండలి సహాయ, సహకారాలతో 300 కార్యక్ర మాలు సంస్థ నిర్వహించినట్లు చెప్పారు. గాయకులను సత్కరించారు. మహతీ స్వరసుధ వ్యవస్థాపకులు మదన్మోహన్, పత్రి నిర్మల దంపతులను పలువురు సత్కరించారు. కీబోర్డుపై కె.రవిబాబు, తబలాపై ఎస్.వెంకట్, ప్యాడ్స్పై కె.చంద్ర, టి.ఈశ్వర్ వాద్య సహకారం అందించారు.
కామెంట్లు
కామెంట్ను పోస్ట్ చేయండి