సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
ఇహలోక సుఖాలు అశాశ్వతం
శరీరాలు, సంపదలు శాశ్వతం కాదని, ఈ రెండు శాశ్వతం కానప్పుడు వాటి నుంచి లభించే సుఖం కూడా శాశ్వతం కాదని ఆధ్యాత్మిక ప్రవచకులు కేవీ కోటేశ్వరరావు అన్నారు. బృందా వన్ గార్డెన్స్లోలోని శ్రీ వేంకటేశ్వరస్వామి దేవాలయం అన్నమయ్య కళావేదికపై రెండు రోజులుగా వ్యాస మహర్షి రచించిన విశ్వనాథాష్టకంపై నిర్వహించిన ప్రవచనాలు గురువారం ముగిశాయి. ఆలయ పాల కమండలి అధ్యక్షుడు సీహెచ్. మస్తానయ్య, ఉపాధ్య క్షుడు లంకా విజయబాబు, సహాయ కార్యదర్శి వూటుకూరి నాగేశ్వరరావు జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా కేవీ కోటేశ్వరరావు మాట్లాడుతూ, సుఖానికి హేతువు, సుఖస్థానం భగవంతుడేనని అన్నారు. అనిత్యమైన వాటి కోసం జీవితాంతం శ్రమించినా శాశ్వత సుఖం లభించదన్నారు. ఆ జ్ఞానం కలిగినప్పుడు మనసు అనిత్యమైన వాటి నుంచి శాశ్వత మైన సుఖాన్ని ప్రసాదించే భగవంతుని వైపు తిరుగు తుందని చెప్పారు. పి. శివారెడ్డి, తూనుగుంట్ల సుం దరరామయ్య, వి. ఏకాంబరేశ్వరరావు, వి. అరు ణకుమారి, వలేటి అంకినీడు ప్రసాద్, బి. యశోద తదితరులు పాల్గొన్నారు.
కామెంట్లు
కామెంట్ను పోస్ట్ చేయండి