సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
వైభవంగా సహస్ర కలశాభిషేకం
స్థానిక బృందావన్గార్డెన్స్ శ్రీకంచికామకోటి పీఠ వేంకటేశ్వరస్వామి దేవాలయంలో గురువారం చాతుర్మాసం, స్వామి వారి తిరున క్షత్రం సందర్భంగా పంచామృతాభిషేకం, సహస్ర కలశాభిషేకం ఆలయ ప్రధాన పూజారి మాధవాచార్యుల బృందం వేద మంత్రాల నడుమ వైభవంగా నిర్వహించారు. ఆలయ పాలక మండలి ఆధ్వర్యంలో జరగ్గా, సుమారు 500 కల శాలకు విశేష పూజలు చేపట్టారు. అభిషేక పూజలో భక్తులు పాల్గొనగా, మేళతాళాలతో ప్రదక్షిణలు చేసి ఆలయంలోకి ప్రవేశించారు. విశేష హారతి అనంతరం భక్తులకు తీర్ధ ప్రసాదాలు, అభిషేకాల్లో పాల్గొన్న వారికి కలశం ప్రత్యేక ప్రసాద వితరణ చేశారు. ఆలయ పాలక మండలి అధ్యక్షుడు సిహెచ్. మస్తానయ్య, కార్యదర్శి బొర్రా ఉమామహేశ్వరరావు, సహయ కార్యదర్శి వూటుకూరి నాగేశ్వరరావు,ఉపాధ్యక్షుడు విజయబాబు పాల్గొన్నారు.
కామెంట్లు
కామెంట్ను పోస్ట్ చేయండి