తండ్రి విశిష్టతను చాటిన నాన్న నాటిక స్థానిక బృందావన్ గార్డెన్స్ శ్రీ వేంకటేశ్వరస్వామి ఆలయ ప్రాంగణం అన్నమయ్య కళావేదికపై ఆంధ్రప్రదేశ్ ప్రభుత్వ రాష్ట్ర సృజనాత్మకత మరియు సంస్కృతి సమితి, ఆంధ్రప్రదేశ్ ప్రభుత్వ రాష్ట్ర నాటక అకాడమి సౌజన్యంతో శ్రీ సద్గురు కళానిలయం రజతోత్సవాల సందర్భంగా నిర్వహిస్తున్న నాటకోత్సవాల రెండో రోజు ఆదివారం ప్రదర్శించిన నాన్న నాటిక ప్రేక్షకులను ఆకట్టుకుంది. తొలుత శ్రీ సత్యసాయి బడిల్ స్కూల్ ప్రిన్సిపాల్ కొల్లా ధనలక్ష్మి జ్యోతి ప్రజ్వలన చేసి కార్యక్రమాన్ని ప్రారంభించారు. బసవరాజు సిస్టర్స్ శ్రేష్ట, నైనికలు ప్రార్ధన గీతాన్ని ఆలపించారు. భరణి కూచిపూడి నృత్య కళాశాల నిర్వాహకులు నాట్యాచార్య పూల భరణి శిష్య బృందం, నాట్య చారిణి అనిత శ్రీ సత్యసాయి బడిల్ స్కూల్ విద్యార్థులు పలు కీర్తనలకు కూచిపూడి నృత్యాన్ని ప్రదర్శించారు. ఈ సందర్భంగా జరిగిన సభకు ప్రముఖ రంగస్థల నటుడు, రచయిత, దర్శకుడు కావూరి సత్యనారాయణ అధ్యక్షత వహించారు. సభలో రంగస్థల నటుడు, రచయిత, దర్శకుడు డాక్టర్ ఎన్. రవికుమార్, శ్రీ సత్య సాయి బడియల్ స్కూల్ కరస్పాండెంట్ కొల్లా శంకర్ కిషోర్ కుమార్, ఆలయ కమిటీ ఉపాధ్యక్షులు లంకా విజయబాబ...
ఘనంగా ముగిసిన నృత్య ప్రదర్శనలు
స్థానిక బృందావన్ గార్డెన్స్, శ్రీ వెంకటేశ్వర స్వామి దేవాలయం, అన్నమయ్య కళావేదికపై వారం రోజుల నుంచి శ్రీ సాయి మంజీర కూచిపూడి ఆర్ట్ అకాడమీ వారు నిర్వహిస్తున్న అంతర్జాతీయ నృత్య దినోత్సవాలు వైభవంగా ముగిసాయి. ముగింపు కార్యక్రమాల్లో భాగంగా బుధవారం ఉదయం నటరాజ స్వామి పూజ, నగర నాట్యచార్యులు నిర్వహించారు. అనంతరం నటరాజ స్వామికి నృత్య నివేదనగా శ్రీ గణపతిని సేవింప రారే అన్న త్యాగరాజ కీర్తనకి వంద మందికి పైగా నర్తకి మణులు నృత్యం చేశారు. సాయంత్రం జరిగిన సభకు సంస్థ అధ్యక్షుడు డాక్టర్ భూసురుపల్లి వెంకటేశ్వర్లు అధ్యక్షత వహించగా, ఆత్మీయ అతిథులుగా పశ్చిమ ఎమ్మెల్యే గళ్ల మాధవి, ప్రముఖ వైద్యులు డాక్టర్ నాగశ్రీ హరిత విచ్చేశారు. డాక్టర్ పీవీకే కుందనీక (తెలంగాణ) కథక్ నాట్యం, నిఖిత ఆంధ్ర నాట్యం, సరిపూడి అంకిత కూచిపూడి నాట్యంతో తమ ప్రతిభను చాటుకున్నారు. కళాకారులను సంస్థ కార్యదర్శి యువ కళారత్న పురస్కారంతో ఘనంగా సత్కరించారు. ఈ కార్యక్రమంలో సహకరించిన వారందరికీ సంస్థ కోశాధికారి వెంకటగిరి నాగలక్ష్మి కృతజ్ఞతలు తెలిపారు.
కామెంట్లు
కామెంట్ను పోస్ట్ చేయండి