అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
అలరించిన నృత్య ప్రదర్శనలు
స్థానిక బృందావన్ గార్డెన్స్లోని వెంకటేశ్వర స్వామి దేవాలయం అన్నమయ్య కళావేదికపై శ్రీ సాయి మంజీరా కూచిపూడి ఆర్ట్ అకాడమీ వారు నిర్వహిస్తున్న 16వ అంతర్జాతీయ నృత్య దినోత్సవాలు ఆరో రోజుకు చేరుకున్నాయి. మంగళవారం కార్యక్రమాలను ప్రముఖ హరికథకులు తుర్లపాటి శంభయాచారి ప్రారంభించారు. ఈ సందర్భంగా జరిగిన సభకు డాక్టర్ భూసురపల్లి వెం కటేశ్వరరావు అధ్యక్షత వహించగా, గుళ్లపల్లి సుబ్బారావు ముఖ్యఅతిథిగా పాల్గొన్నారు. అనంతరం ఒడిశాకు చెందిన సునీల్ బెహర ప్రదర్శించిన ఒడిస్సా నాట్యం, అసోంకు చెందిన దీప శిఖ భూయాన్ సత్రియ నృత్యం, కేరళకు చెందిన అనిల్ వెట్టిక్కట్టిరి నృత్య ప్రదర్శనలు ప్రేక్షకులను అలరించాయి. అనంతరం సంస్థ కార్యదర్శి డాక్టర్ ఖాజ వేంకట సుబ్రహ్మణ్యం కళాకారులను యువ కళారత్న, అనిల్ వెట్టిక్కట్టిరికి సాత్రజతి పురస్కారాలతో ఘనంగా సత్కరించారు.
కామెంట్‌లు
కామెంట్‌ను పోస్ట్ చేయండి