సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
ఘనంగా వార్షిక బ్రహ్మోత్సవాలు
స్థానిక బృందావన్ గార్డెన్స్ గుంటూరు తిరుమలగా ప్రసిద్ధిగాంచిన శ్రీ పద్మావతి గోదా సమేత శ్రీ వేంకటేశ్వరస్వామివారి 27వ వార్షిక బ్రహ్మోత్సవములలో భాగంగా శనివారం ఉదయం నిత్యపూజలు, బృందావన శ్రీనివాసుని హనుమత్ వాహనం పై శోభా యాత్ర, తిరుప్పావై అమృతవర్షిణి డాక్టర్ కోగంటి వెంకట రంగనాయకి గోష్టి బృందంచే లలితా సహస్రనామ పారాయణ అనంతరం తీర్థ ప్రసాద వినియోగం జరిగింది. సాయంత్రం నవగ్రహారాధన హోమం రుత్వికులు వేదమంత్రాలతో భక్తి శ్రద్ధలతో నిర్వహించారు. ఉపాధ్యక్షులు లంక విజయబాబు వారి ఆధ్వర్యంలో స్వామివారిని గరుడహనంపై వేషధారణలు, కోలాటాలు, డప్పులు విన్యాసాలతో అంగరంగవైభవంగా శోభాయమానంగా ఊరేగించారు. ఆధ్యాత్మిక సభా కార్యక్రమాలలో మధురవాక్ శిఖామణి ధనకుదరం సీతారామానుజాచార్య స్వామి, ప్రణవాశ్రమం కాకినాడ సుమిత్రానంద సరస్వతీ మాతాజీ పాల్గొని అనుగ్రహభాషణం చేశారు.
కామెంట్లు
కామెంట్ను పోస్ట్ చేయండి