అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
అలరించిన నృత్య ప్రదర్శనలు
స్థానిక బృందావన్ గార్డెన్స్ శ్రీ వెంకటేశ్వరస్వామి దేవాలయంలోని అన్నమయ్య కళావేదికపై జరుగుతున్న 16వ అంతర్జాతీయ నృత్య వేడుకలు మూడోరోజుకు చేరుకున్నాయి. శ్రీ సాయి మంజీరా కూచిపూడి ఆర్ట్ అకాడమీ వారు నిర్వహిస్తున్న కార్యక్రమాలను శనివారం ఆలయ కమిటీ కార్యదర్శి ఊటుకూరి నాగేశ్వరరావు ప్రారంభించారు. ఈ సందర్భంగా జరిగిన సభకు డాక్టర్ భూసురపల్లి వెంకటేశ్వరరావు అధ్యక్షత వహించగా, మోదుగుల రవికృష్ణ ముఖ్యఅతిథిగా పాల్గొన్నారు. అనంతరం థాయిలాండ్కు చెందిన పట్టారపోల్ తెంగురారాయ్ ప్రదర్శించిన సంప్రదాయ నృత్యం, బెంగళూరుకు చెందిన కంచికాభట్ ప్రదర్శించిన యక్షగానం, ఒరిస్సాకు చెందిన గాయత్రి భూపతి ప్రదర్శించిన నృత్యప్రదర్శనలు ప్రేక్షకులను అలరించాయి. అనంతరం సంస్థ కార్యదర్శి డాక్టర్ కాజ వేంకట సుబ్రహ్మణ్యం కళాకారులను యువ కళారత్న పురస్కారంతో ఘనంగా సత్కరించారు.
కామెంట్లు
కామెంట్ను పోస్ట్ చేయండి