సాయిరాగా సంగీత కళాశాల పంచమ వార్షికోత్సవం స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై శనివారం సాయిరాగా సంగీత కళాశాల పంచమ వార్షికోత్సవాలు సంస్థ ప్రిన్సిపాల్ మునిపల్లె రమణి ఆధ్వర్యంలో ఉల్లాసంగా జరిగాయి. అతిథులుగా వినుకొండ ఎమ్మెల్యే జీవీ ఆంజనేయులు, అమరావతి అభివృద్ధి కమిటీ చైర్మన్ డాక్టర్ జాస్తి వీరాంజనేయులు, ఆలయ పాలకమండలి అధ్యక్షులు సి.హెచ్.మస్తానయ్య పాల్గొని జ్యోతి ప్రజ్వలనతో కార్యక్రమాలను ప్రారంభించారు. తొలుత రమణి మునిపల్లె ప్రార్ధనాగీతంతో స్వరార్చన కార్యక్రమాన్ని ప్రారంభించారు. జూనియర్ శిష్యలు నాగవరపు తిశీత, కట్ట జూహితేశ్వరి, కట్టమోహిత యశస్వి, సూది గీతికా దీపాలక్ష్మీ శ్రీష్టి, సీనియర్స్ మొహమ్మద్ అబ్దుల్ ఖాదర్, ఎం.రామశేషు గీతాలను ఆలపించి స్వరార్చన చేశారు. తబలాపై రమణ, ప్యాడ్స్పై ఈశ్వర్ చక్కటి వాయిద్య సహకారం అందించారు. మునిపల్లె మూర్తి వ్యాఖ్యనంతో బాబూరావు ఇస్మాయిల్, కార్య క్రమ పర్యవేక్షణ చేశారు.
సందడిగా భరతమాత పూజా దినోత్సవం
బృందావన్ గార్డెన్స్ శ్రీవేంకటేశ్వరస్వామి దేవాలయంలో సంస్కార భారతి ఆధ్వర్యంలో భరతమాత పూజా దినోత్సవం సందర్భంగా నిర్వహించిన పోటీల ముగింపు సభ ఆదివారం జరిగింది. సంస్కార భారతి అధ్యక్షుడు ఇండ్ల శ్రీధర్ బాబు బృందం కార్యక్రమాలను నిర్వహించింది. చిన్నారుల దేశభక్తుల వేషధారణ, సంప్రదాయ, జానపద నృత్య పోటీలు తదితర అంశాల్లో విజేతలకు బహుమతి ప్రదానం జరిగింది. వీవీఐటీ ప్రిన్సిపల్ మల్లికార్జునరెడ్డి, డాక్టర్ శేషయ్య, పాటిబండ్ల సీతారామయ్య హైస్కూల్ ఉపాధ్యాయులు కృష్ణవేణి, రేణుకాదేవి, విద్యావేత్త నూతలపాటి తిరుపతయ్య, ఆలయ పాలకమండలి అధ్యక్ష, కార్యదర్శులు సీహెచ్. మస్తానయ్య, బొర్రా ఉమామహేశ్వరరావు, గడియాల రామకృష్ణ బహుమతులు పొందిన విద్యార్థులను అభినందించారు.
కామెంట్లు
కామెంట్ను పోస్ట్ చేయండి