సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
నాగలక్ష్మీమహతికి స్వర్ణపతకంతో సన్మానం
స్థానిక బృందావన్గార్డెన్స్ శ్రీపద్మావతి గోదా సమేత శ్రీవేంకటేశ్వరస్వామి దేవా లయం అన్నమయ్య కళావేదికపై గత రెండు రోజు లుగా నిర్వహిస్తోన్న గాయత్రీ మహిళా సంగీత సన్మండలి 29వ వార్షిక సభ ఆదివారం ముగిశాయి. సభకు సన్మండలి అధ్యక్షురాలు, ప్రముఖ న్యూరాలజిస్ట్ పి.విజయ అధ్యక్షత వహించారు. ప్రత్యేక సంచికను చీఫ్ కార్డియాలజిస్ట్ పీవీ రాఘవశర్మ, సన్మండలి గౌరవాధ్యక్షులు అన్నవరపు రామస్వామి, ఆలయ పాలకమండలి అధ్యక్షులు సిహెచ్. మస్తానయ్యలు ఆవిష్కరించారు. అనంతరం గాయకురాలు పెరవలి నాగలక్ష్మీ మహతికి స్వర్ణ పతకం ప్రదానం చేయగా, న్యూరాలజిస్ట్ పి.విజయను సత్కరించారు. తదుపరి శాస్త్రీయ సంగీత గాత్ర కచేరీలో పెరవలి నాగలక్ష్మీమహతి వాగ్గేయ కీర్తనలను అలపించారు. వయోలిన్పై సుబ్రహ్మణ్యరాజు, మృదంగంపై సీహెచ్ సూర్య వాయిద్యాన్ని అందించారు. సభాధ్యక్షత వహించిన న్యూరాలజిస్ట్ పి.విజయ మాట్లాడుతూ గత 29 ఏళ్లుగా సన్మండలి కార్యక్రమాలు నిర్వహించడం అభినందనీయమని అన్నా రు. సభలో ఉపాధ్యక్షులు మాధవపెద్ది విజయలక్ష్మి, పి.లలిత, కార్యదర్శి ఏవీ మంగాదేవి పాల్గొనగా అతిథులను, కళాకారులను సత్కరించారు.
కామెంట్లు
కామెంట్ను పోస్ట్ చేయండి