అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
రామానుజాచార్యుల జయంతి ఉత్సవాలు
స్థానిక బృందావన్ గార్డెన్స్ శ్రీవేంకటేశ్వరస్వామి వారి దేవా లయ ప్రాంగణం అన్నమయ్య కళావేదికపై తితిదే ఆళ్వార్ దివ్య ప్రబంధ ప్రాజెక్ట్ వారి సౌజన్యంతో భగవద్రామానుజ తిరునక్షత్ర మహోత్సవాలు జరు గుతున్నాయి. ఈ సందర్భంగా మంగళవారం రాత్రి గద్యత్రయం, భగవద్రామానుజుల భాష్యకార బిరుద వైశిష్టం అనే అంశంపై సభ జరిగింది. తొలుత ఆలయ పాలకమండలి అధ్యక్షుడు మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతి వెలిగించి కార్యక్రమాన్ని ప్రారంభించారు. నారాయణం శేషుబాబు మాట్లాడుతూ భగవద్రామానుజులు రచించిన 'గద్యత్రయం' విశిష్టాద్వైత సంప్రదాయంలో శరణాగతి తత్వాన్ని చాటిచెప్పే అత్యున్నత భక్తి ప్రబంధమన్నారు. ఎంవీ సత్యవతి మాట్లాడుతూ రామానుజులు తన గురువులఅజ్ఞను నెరవేరుస్తూ, బ్రహ్మసూత్రాలకు అద్భుతమైన వివరణతో శ్రీభాష్యం రచించారన్నారు.
.jpeg)
కామెంట్లు
కామెంట్ను పోస్ట్ చేయండి