సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
అలరించిన శాస్త్రీయ సంగీత కచేరి
స్థానిక బృందావన్గార్డెన్స్ శ్రీపద్మావతి గోదా సమేత శ్రీవేంకటేశ్వరస్వామి దేవా లయం అన్నమయ్య కళావేదికపై రెండు రోజుల పాటు నిర్వహించనున్న గాయత్రీ మహిళా సంగీత సన్మండలి 29వ వార్షిక వేడుకలు శనివారం ప్రారంభమయ్యాయి. తొలుత న్యూరాలజిస్ట్ ఎస్ఎస్ హరిత, ఆలయ కమిటీ అధ్యక్షులు సిహెచ్.మస్తానయ్య, సహాయ కార్యదర్శి ఊటుకూరి నాగేశ్వరరావు, నిర్వాహకులు జ్యోతిప్రజ్వలనతో ప్రారంభించారు. డాక్టర్ పాల్టాట్ ఆర్ రాంప్రసాద్ (చెన్నై) శాస్త్రీయ సం గీత కచేరి నిర్వహించారు. త్యాగరాజ కృతులు, వాగ్గేయకార కీర్తనలు అలపించారు. వయోలిన్పై తిరుచ్చరై కార్తిక్, మృదంగంపై బుర్ర శ్రీరామ్(చెన్నై), ఘటంపై మార్టూరు హరిబాబు (గుంటూరు) వాయిద్యాన్ని అందించారు. కార్యక్రమంలో సన్మండలి ప్రధాన కార్యదర్శి ఎంవై.శేషురాణి, ఉపాధ్య క్షులు డాక్టర్ రాజరాజేశ్వరి, పాటిబండ లలిత, మాధవపెద్ది విజయలక్ష్మి, కార్యదర్శి ఏవీ మంగాదే వి, కోశాధికారి ఎం. విజయలక్ష్మి పాల్గొనగా, కళాకారులను, అతిథులను సత్కరించారు.
కామెంట్లు
కామెంట్ను పోస్ట్ చేయండి