అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
రామానుజ తిరునక్షత్ర మహోత్సవాలు ప్రారంభం
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయ ప్రాంగణం అన్నమయ్య కళావేదికపై భగవద్రామాను భగవత్ రామానుజ తిరునక్షత్ర (జయంతి) మహోత్సవాలు సోమవారం మొదలయ్యాయి. టీటీడీ ఆళ్వార్ దివ్య ప్రబంధ ప్రాజెక్ట్ సౌజన్యంతో జరగ్గా, ఆలయ కమిటీ అధ్యక్షులు సిహెచ్.మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతిప్రజ్వలనతో ప్రారంభించారు. ప్రముఖ సంస్కృత పండితులు డీఎన్. దీక్షిత్ ప్రవచిస్తూ భగవద్రామానుజా చార్యులు అనుగ్రహించిన తొమ్మిది గ్రంథాలు విశిష్టాద్వైత సిద్ధాంతానికి మూలస్తంభాలుగా నిలు స్తాయని అన్నారు. కుల మత భేదం లేకుండా భగవంతుని చేరువయ్యేందుకు ప్రపత్తి సంపూర్ణ శర ణాగతి అనే దివ్య మార్గాన్ని లోకానికి ప్రబోధించాయని అన్నారు. సాహితీవేత్త డాక్టర్ వేంకట కోగంటిశ్రీరంగనాయకి ప్రవచిస్తూ శ్రీభగవద్రామానుజ అష్టోత్తర శతనామ స్తోత్రం విశిష్టాద్వైత సంప్రదాయంలో అత్యంత మహిమాన్విత మైనదని అన్నారు. ఈ స్తోత్రం ప్రధానంగా రామా నుజాచార్యుల వారి 108 దివ్య నామాలను స్తుతిస్తూ, వారి అసాధారణ వ్యక్తిత్వాన్ని పాండిత్యాన్ని, సమాజానికి చేసిన ఉపకారాన్ని కొనియాడుతుందని అన్నారు.
కామెంట్లు
కామెంట్ను పోస్ట్ చేయండి