సాయిరాగా సంగీత కళాశాల పంచమ వార్షికోత్సవం స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై శనివారం సాయిరాగా సంగీత కళాశాల పంచమ వార్షికోత్సవాలు సంస్థ ప్రిన్సిపాల్ మునిపల్లె రమణి ఆధ్వర్యంలో ఉల్లాసంగా జరిగాయి. అతిథులుగా వినుకొండ ఎమ్మెల్యే జీవీ ఆంజనేయులు, అమరావతి అభివృద్ధి కమిటీ చైర్మన్ డాక్టర్ జాస్తి వీరాంజనేయులు, ఆలయ పాలకమండలి అధ్యక్షులు సి.హెచ్.మస్తానయ్య పాల్గొని జ్యోతి ప్రజ్వలనతో కార్యక్రమాలను ప్రారంభించారు. తొలుత రమణి మునిపల్లె ప్రార్ధనాగీతంతో స్వరార్చన కార్యక్రమాన్ని ప్రారంభించారు. జూనియర్ శిష్యలు నాగవరపు తిశీత, కట్ట జూహితేశ్వరి, కట్టమోహిత యశస్వి, సూది గీతికా దీపాలక్ష్మీ శ్రీష్టి, సీనియర్స్ మొహమ్మద్ అబ్దుల్ ఖాదర్, ఎం.రామశేషు గీతాలను ఆలపించి స్వరార్చన చేశారు. తబలాపై రమణ, ప్యాడ్స్పై ఈశ్వర్ చక్కటి వాయిద్య సహకారం అందించారు. మునిపల్లె మూర్తి వ్యాఖ్యనంతో బాబూరావు ఇస్మాయిల్, కార్య క్రమ పర్యవేక్షణ చేశారు.
సందేశం పంచిన 'సహన' నాటకం
బృందావన్ గార్డెన్స్ శ్రీవెంకటేశ్వరస్వామి ఆలయ ప్రాంగణంలోని అన్నమయ్య కళావే దికపై కేఆర్కే ఈవెంట్స్ ఆధ్వర్యంలో ఎన్టీఆర్ కళాపరిషత్ 21వ నాటకోత్సవాలు జరుగుతున్నాయి. ఈ సందర్భంగా సోమవారం రాత్రి ప్రదర్శించిన 'సహన' నాటకం సందేశాత్మకంగా సాగి ప్రేక్ష కులను ఆకట్టుకుంది. తొలుత ఆలయ కమిటీ సహాయ కార్యదర్శి పుట్టగుంట ప్రభాకరరావు జ్యోతి వెలిగించి కార్యక్రమాన్ని ప్రారంభించారు. అనంతరం అభినయ ఆర్ట్స్ గుంటూరు వారు స్నిగ్ధ రచనకు, ఎన్.రవీంద్రరెడ్డి దర్శకత్వం వహించిన సహన నాటకాన్ని ప్రదర్శించారు. న్యాయం కోసం నిజాయతీగా అన్యాయంపై తిరు గుబాటు చేసి అలసట లేని ప్రయాణం సాగించిన ఓ తండ్రీకూతుళ్ల కథ నాటక ఇతివృత్తం. ఎన్.రవీంద్రరెడ్డి, వి.సీహెచ్. కె. ప్రసాద్, పి. మీరయ్య, కె.రవికాంత్, లక్ష్మణశాస్త్రి, టి. శ్రీలేఖ, కుసుమ సాయి పాత్రోచితంగా నటించారు. పి.లీలామోహన్ సంగీతం అందించారు. కార్యక్రమంలో సంస్థ వ్యవస్థాపకుడు రామకృష్ణప్రసాద్ కాట్రగడ్డ, ఆర్. వెంకట్రావు, టి.సుబ్బారావు, ఎ.పాపారావు, ఎన్. శేషు తదితరులు పాల్గొన్నారు.
కామెంట్లు
కామెంట్ను పోస్ట్ చేయండి