అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
వైభవంగా నాటకోత్సవాలు
బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై తెలుగు నాట కరంగ దినోత్సవం సందర్భంగా ఆంధ్రప్రదేశ్ సృజనాత్మకత, సంస్కృతి సమితి సౌజన్యంతో నాటకోత్సవాలు శుక్రవారం రాత్రితో ముగిశాయి. ఆరాధన ఆర్ట్స్ అకాడమీ గుంటూరు అధ్యక్షుడు డి. తిరుమలేశ్వరరావు ఆధ్వర్యంలో ఏర్పాటు చేసిన ఈ కార్యక్రమానికి ఆడిటర్ పీవీ మల్లికార్జునరావు అధ్యక్షత వహించారు. డాక్టర్ నీరజ, ఏపీ స్టేట్ ఫిలిం టీవీ డెవలప్మెంట్ కార్పొరేషన్ జనరల్ మేనేజర్ ఎం.శ్రీనివాసనాయక్, న్యాయవాదులు నర్రా శ్రీనివాసరావు, కట్టా వరలక్ష్మి, బొల్లేపల్లి శ్రీనివాసరావు, బొల్లేపల్లి శాంతి, సాగినేని శ్రీజ ప్రసంగించారు. తొలుత ఆలయ పాలకమండలి సహాయ కార్యదర్శి ఊటుకూరి నాగేశ్వరరావు జ్యోతి వెలిగించి కార్యక్రమాలను ప్రారంభించారు. నాటకోత్సవాల్లో భాగంగా ఆరాధన ఆర్ట్స్ అకాడమీ కళాకారులు గోవిందరాజుల నాగేశ్వరరావు రచనకు నడింపల్లి వెంకటేశ్వరరావు దర్శకత్వం వహించిన 'సరిగమ పాప' హాస్య నాటిక ప్రదర్శితమైంది.
కామెంట్లు
కామెంట్ను పోస్ట్ చేయండి