సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
అలరించిన వ్యంగ్య హాస్య నాటికలు
స్థానిక బృందావన్ గార్డెన్ శ్రీ వేంకటేశ్వరస్వామి దేవాలయం అన్నమయ్య కళావేదికపై తెలుగు నాటకరంగ దినోత్సవం సందర్భంగా నిర్వహిస్తున్న నాటకోత్సవాలు గురువారం రెండో రోజుకి చేరాయి. ఆరాధన ఆర్ట్స్ అకాడమీ గుంటూరు ఆధ్వర్యంలో ఏపీ సృజనాత్మకత, సంస్కృతి సమితి సౌజన్యంతో జరగ్గా, ఆలయ పాలకమండలి ఉపాధ్యక్షులు లంకా విజయబాబు, అతిథులు జ్యోతి ప్రజ్వలనతో ప్రారంభించారు. అనంతరం బండారు అచ్చమాంబ పురస్కారాన్ని డాక్టర్ ప్రగతికి, కొరప్రాటి గంగాధరరావు పురస్కారాన్ని బి.రామనాయక్కి తెలుగు నాటక రంగ పురస్కారాలు, ఆత్మీయ పురస్కారాన్ని గాయకులు కొట్టపాటి రామారావుకి ప్రదానం చేసి సత్కరించారు. సభానంతరం కులపతి ఎక్కిరాల కృష్ణమాచార్య శతజయంతిలో భాగంగా ఎక్కిరాల కులపతి కృష్ణమాచార్య రచించిన నడింపల్లి వెంకటేశ్వరరావు దర్శకత్వం వహించిన బండారుపల్లి వెంకయ్య మెమోరియల్ ఆర్ట్స్ (లింగారావుపాలెం) ప్రజాదినం వ్యంగ్య నాటిక, పధివీ నాటక కళాపరిషత్ (హైదరాబాద్) ఆధ్వర్యంలో శ్రీశుక రచించగా, జి.విజయబాబు దర్శకత్వంలో ఉంగరపు వేళ్ళు అనే నాటికలను ప్రదర్శించారు. ఈ నాటికలు చక్కటి సందేశాలతో అలరించాయి. కళాకారులను, అతిథులను సంస్థ అధ్యక్ష, కార్యదర్శులు డి.తిరుమ లేశ్వరరావు, నడింపల్లి వెంకటేశ్వరరావు సత్కరించారు. గొట్టిపాటి రామారావు బృందం అలపించిన సినీ మధుర గీతాలు అలరించాయి. అకాడమీ గౌరవాధ్యక్షులు బొల్లేపల్లి శ్రీనివాసరావు, డాక్టర్ జొన్నలగడ్డ నిహారిక పాల్గొన్నారు.
కామెంట్లు
కామెంట్ను పోస్ట్ చేయండి