అలరించిన పౌరాణిక పద్య నాటకాలు స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయ ప్రాంగణం అన్నమయ్య కళావేదికపై భారతీ ధార్మిక విజ్ఞాన పరిషత్ నిర్వాహకులు బొల్లేపల్లి సత్యనారాయణ, లలితాంబ దంపతుల ఆధ్వర్యంలో సంస్థ 32 వ వార్షిక ఉత్సవాలలో భాగంగా డాక్టర్ దేవరపల్లి ప్రభుదాస్ నిర్వహణలో పౌరాణిక పద్య నాటక సన్నివేశ ప్రదర్శన జరిగింది. మొదటిగా గయోపాఖ్యానంలోని సన్నివేశాన్ని ప్రదర్శించారు. శ్రీకృష్ణుడుగా డాక్టర్ దేవరపల్లి ప్రభుదాస్, అర్జునుడిగా ఉల్లంగుల బ్రహ్మయ్య, రెండవదిగా శ్రీకృష్ణరాయబారం పడకసీనులోని సన్నివేశాన్ని ప్రదర్శించారు. శ్రీకృష్ణుడుగా గుర్రపుశాల శ్రీనివాస్, సుయోధనుడుగా అట్ల రామకృష్ణారెడ్డి, అర్జునుడుగా బ్రహ్మయ్యలు పౌరాణిక పద్యాలతో ఆహుతులను అలరించారు. అనంతరం ఆలయ పాలక మండలి సభ్యులు డాక్టర్ ప్రభుదాస్ దంపతులను, కళాకారులను ఘనంగా సత్కరించారు.
విలాసిని పద్యకావ్య పుస్తకావిష్కరణ
బృందావన్గార్డెన్స్ శ్రీవెంకటేశ్వరస్వామి దేవాలయం ఆవరణలో అన్నమయ కళావేది కపై విలాసిని పద్య కావ్యం పుస్తకావిష్కరణ నిర్వ హించారు. కళాస్రవంతి, సాహితీ స్రవంతి సంస్థ అధ్యక్షుడు డాక్టర్ దేవరపల్లి ప్రభుదాసు పుస్తకాన్ని రచించారు. ఆలయ పాలక మండలి అధ్యక్షులు సి.హెచ్.మస్తానయ్య, విశ్రాంతి జాయింట్ రిజిస్ట్రారు మాణిక్యలరావు సభా పరిచయం చేశారు. కార్యక్రమంలో కవి రచయిత డాక్టర్ సూర్యదేవర రవికుమార్, మాజీ మంత్రి డొక్కా మాణిక్య వరప్రసాద్, విశ్రాంత ఆచార్య కళాస్రవంతి తాళ్లూరు వెంకటరత్నం పాల్గొన్నారు. చింతామణిలోని భావ ఘట్టాన్ని ప్రదర్శించారు. కళాకారులను సత్కరించారు.
కామెంట్లు
కామెంట్ను పోస్ట్ చేయండి