సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
వేడుకగా నాటక రంగ పురస్కారాల ప్రదానం
స్థానిక బృందావన్ గార్డెన్స్, శ్రీ వేంకటేశ్వరస్వామి ఆలయం, అన్నమయ్య కళావేదికపై ఆరాధన ఆర్ట్స్ అకాడమీ ఆధ్వర్యంలో ఆంధ్రప్రదేశ్ సృజనాత్మకత, సంస్కృతీ సమితి వారి సౌజన్యంతో ప్రముఖ రంగస్థల నటులకు తెలుగు నాటకరంగ పురస్కారాల ప్రధానోత్సవ సభ బుధవారం జరిగింది. సభకు సంస్థ గౌరవ అధ్యక్షుడు బొల్లేపల్లి శ్రీనివాసరావు అధ్యక్షత వహించగా, అతిథులుగా ఏపి నాటక అకాడమీ చైర్మన్ గుమ్మడి గోపాలకృష్ణ, డాక్టర్ కొండబోలు కృష్ణప్రసాద్, డాక్టర్ కొసరాజు కళాధర్, మంగళగీరి శ్రీ లక్ష్మీనరసింహస్వామి దేవస్థాన ధర్మకర్త మేకల మోహనరావు, ఆలయ కమిటి అధ్యక్షుడు సిహెచ్ మస్తానయ్యలు పాల్గొని నాటక రంగ విశిష్టతపై ప్రసంగించారు. అనంతరం డాక్టర్ ముత్తవరపు సురేష్బాబును విశ్వకళాసారధి, వల్లూరు వెంకట్రామయ్య చౌదరి పురస్కారాన్ని నరసయ్యకు, ఎస్.పి.బాలసుబ్రహ్మణ్యం పురస్కారాన్ని గుడివాడ శ్రీనివాసరావుకు అందజేశారు.
కామెంట్లు
కామెంట్ను పోస్ట్ చేయండి