అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
అలరించిన సత్యహరిశ్చంద్ర నాటకం
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై మంగళవారం సాయంత్రం సత్యహరిశ్చంద్ర నాటకం ప్రదర్శించారు. బంగారు డి.వి.ఆచంట, ఆచంట కళా సమితి (వేటపాలెం), కళావిపంచి, యువ కళావాహని (హైదరాబాద్) ఆధ్వర్యంలో దివంగత వై.కె.నాగేశ్వరరావు పంచమ వర్ధంతి సందర్భంగా నాటిక ప్రదర్శితమైంది. ఆలయ పాలక మండలి అధ్యక్షులు సిహెచ్.మస్తానయ్య, సహాయ కార్యదర్శి ఊటుకూరి నాగేశ్వరరావు, కళావిపంచి గౌరవాధ్యక్షులు డాక్టర్ రామరాజు శ్రీనివాసరావు, డోగిపర్తి శంకరరావు, రామమోహనరావు (వి జయ వాడ) జ్యోతిప్రజ్వలనతో ప్రారంభించారు. కళారత్న తుర్లపల్లి రాధాకృష్ణమూర్తి దర్శకత్వం వహించగా, డాక్టర్ నరాలశెట్టి రవికుమార్ రచించారు. హరిశ్చం ద్రగా డాక్టర్ నరాలశెట్టి రవికుమార్, చంద్రమతిగా డాక్టర్ జి.రత్నశ్రీ, విశ్వామిత్రుడిగా కళారత్న కావూరి సత్యనారాయణ, ఇతర పాత్రల్లో పౌరాణిక పద్యాలను గానం చేస్తూ నాటకాన్ని ప్రదర్శించారు. కార్యక్రమంలో కళావిపంచి అధ్యక్షులు బొప్పన నరసింహారావు, భాగి శివశంకర్ శాస్త్రి, జి.మల్లికార్జునరావు, సయ్యద్ జానీబాషా పాల్గొన్నారు.
కామెంట్లు
కామెంట్ను పోస్ట్ చేయండి