అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
ఎండోక్రైనాలజీ సమస్యలపై అవగాహన
స్థానిక బృందావన్గార్డెన్స్ శ్రీవేంకటేశ్వరస్వామి ఆలయం అన్నమయ్య కళావేదికపై సోమవారం జనరల్ అండ్ ఎండోక్రైనాలజీ సమస్యలపై అవగాహన సదస్సు నిర్వహించారు. కిమ్స్ శిఖర హాస్పిటల్, గుంటూరు జిల్లా సీనియర్ సిటిజన్స్ సర్వీస్ ఆర్గనైజేషన్ ఆధ్వర్యంలో ఆలయ కమిటీ సభ్యులు జ్యోతిప్రజ్వలనతో ప్రారంభించారు. వైద్యులు ఉమామహేశ్వర ఆర్.గొలమారి మాట్లాడుతూ ఎండోక్రైనాలజీ శరీరంలోని హార్మోన్లు, ఎండోక్రైన్ గ్రంథులను అధ్యయనం చేసే వైద్య విభాగమని అన్నారు. జీవక్రియ, పెరుగుదల, పునరుత్పత్తి, మూడ్ వంటి కీలక విధులను నియంత్రిస్తాయని పేర్కొన్నారు. అకస్మాత్తుగా బరువు పెరగడం లేదా తగ్గడం, తీవ్రమైన అలసట, జుట్టు రాలడం, అధిక దాహం, నెలసరిలో సమ స్యలు వంటి లక్షణాలు కనిపిస్తే వైద్యులను సం ప్రదించాలని అన్నారు. పలువురి సందేహాలకు నివృత్తి చేశారు. కార్యక్రమంలో సంస్థ అధ్యక్షులు మన్నె సుబ్బారావు, సభ్యులు కోగంటి బసవనంది కేశ్వరరావు, దశరథ్ పాల్గొన్నారు.
కామెంట్లు
కామెంట్ను పోస్ట్ చేయండి