అలరించిన ఉత్తర గోగ్రహణం తోలుబొమ్మలాట స్థానిక బృందావన్గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళా వేదికపై గురువారం రాత్రి ఉత్తర గోగ్రహణం తోలు బొమ్మలాట ప్రదర్శించారు. గుళ్లపల్లి సుబ్బారావు సేవా సంస్థ సౌజన్యంతో శ్రీషిర్డీసాయి తోలుబొమ్మలాట బృందం (నరసరావుపేట) కళాకారులు నిర్వహించగా, ఆలయ పాలక మండలి అధ్యక్షుడు సిహెచ్ మస్తానయ్య, గుళ్ళపల్లి సుబ్బారావు, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. దుర్గారావు, కుమారి, వెంకటదాసు, నాగేశ్వరరావు, చిన్న, కోటేశ్వరి, సీతమ్మ, హనుమంతరావు, శివరా మకష్ణ, కమల్ బృందం మహాభారతంలోని పాండ వుల అజ్ఞాతవాసం, బృహన్నల నాట్య గురుత్వం, కౌరవుల కుట్ర, ఉత్తర కుమారుని ప్రజ్ఞలు, ఉత్తర గోగ్రహణం చేసిన కౌరవులను అర్జునుడు ఒక్కడే ఓడించడం తదితర ఘట్టాలను పద్యాలు, గేయాలు, వచనంతో ప్రదర్శించారు. ప్రేక్షకులను అలరించాయి. అనంతరం కళాకారులను గుళ్లపల్లి రాఘవేంద్రరావు సత్కరించారు.
అలరించిన హాస్యవల్లరి
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయ ప్రాంగణం అన్నమయ్య కళావేదికపై గుంటూరు హ్యూమర్ క్లబ్ 13వ వార్షి కోత్సవం, 120వ హాస్యవల్లరి ఆదివారం నిర్వహించారు. తొలుత అతిథులు జ్యోతిప్రజ్వలనతో ప్రారంభించారు. ప్రొఫెసర్ జంపని కిషోర్ బాబు సభకు అధ్యక్షత వహించారు. వ్యవస్థాపక కార్య దర్శి హాజీ షేక్ లాల్ వజీర్, ఏపీ రియల్ ఎస్టేట్ రెగ్యులేటరీ అథారిటీ సభ్యులు దామచర్ల శ్రీనివాస రావు, విద్యావేత్త నూతలపాటి తిరుపతయ్య, ఆలయ సహాయ కార్యదర్శి ఊటుకూరి నాగేశ్వర రావు, ఫ్రెండ్స్ కామెడీ క్లబ్ విశాఖపట్టణం వ్యవస్థాపకులు ఎంవీ సుబ్రహ్మణ్యం ప్రసంగించారు. అనం తరం ఫ్రెండ్స్ కామెడీ క్లబ్ (విశాఖపట్నం) ప్రదర్శించిన హాస్యవల్లరి అలరించింది. ఈ హాస్యవల్లరిలో ఎంవీ సుబ్రహ్మణ్యం, జబర్దస్త్ ప్రకాష్, రాగన్ నాయుడు, బోను నరసింహారావు, నక్షత్ర, పుష్యమి నటించగా ప్రేక్షకులను తమ పాత్రలలో అలరించాయి.
.jpeg)
.jpeg){kind=link}
కామెంట్లు
కామెంట్ను పోస్ట్ చేయండి