అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
అత్యంత పవిత్రమైన గణపతి అథర్వ శీర్షమ్
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయ ప్రాంగణం అన్నమయ్య కళావేదికపై మంగళవారం సాయంత్రం గణపతి అథర్వ శీర్షమ్ ఉపనిషత్పై ప్రవచన నిర్వహించారు. తొలుత ఆలయ కమిటి సభ్యులు జ్యోతిప్రజ్వలనతో ప్రారంభించారు. ప్రముఖ ఆధ్యాత్మిక ప్రవచకులు కె.వి. కోటేశ్వరరావు ప్రవచిస్తూ గణపతి అథర్వ శీర్షమ్ అనేది అథర్వణ వేదానికి చెందిన అత్యంత పవిత్రమైన ఉపనిషత్తు అని అన్నారు. వినాయకుడే పంచ భూతాలుగా, కాలత్రయానికి, అవస్థాత్రయానికి అతీతుడైన పరమాత్మగా విరాజి ల్లుతున్నాడని పేర్కొన్నారు. ఆయన మూలమంత్ర మైన ఓం గం గణపతయే నమః అంతరార్థాన్ని శాస్త్రీ యంగా వివరించారని తెలిపారు. ఈ అథర్వ శీర్షాన్ని నిత్యం పఠించడం వల్ల సమస్త విఘ్నాలు, పాపాలు తొలగిపోయి, బుద్ధి వికాసం, మనశ్శాంతి, ధర్మార్థ కామ మోక్షాలనే చతుర్విధ పురుషా ర్థాలు సిద్ధిస్తాయని, దీని ఫలశ్రుతి చెబుతుందని ఆయన వివరించారు.
కామెంట్‌లు
కామెంట్‌ను పోస్ట్ చేయండి