సంప్రదాయ కళలతో దేవాలయాలకు మరింత శోభ సంప్రదాయ కళలు దేవాలయాలకు మరింత శోభను తీసుకువస్తాయని ఏపీ హైకోర్టు న్యాయమూర్తి జస్టిస్ బొప్పూడి కృష్ణమూర్తి అన్నారు. గుంటూరు బృందావన్ గార్డెన్స్, శ్రీ వెంకటేశ్వర దేవాలయంలోని అన్నమయ్య కళావేదికపై నృత్య కిన్నెర ఆధ్వర్యంలో రెండు రోజులుగా జరుగుతున్న కూచిపూడి నృత్యోత్సవాల్లో ముఖ్య అతిథిగా ఆయన పాల్గొని ప్రసంగించారు. కూచిపూడి నృత్య కళ ఆంధ్ర రాష్ట్రానికే గర్వ కారణమన్నారు. అనేకమంది నాట్యాచార్యులు దేశ, విదేశాలలో కూచిపూడి నృత్య వైభవాన్ని చాటారన్నారు. సంస్కృతి సంప్రదాయలపై మక్కువ పెంచుకొనే విధంగా తల్లిదండ్రులు కృషి చేయాలన్నారు. ఈ సందర్భంగా ఇటువంటి కార్యక్రమాలను నిర్వహిస్తున్న నృత్య కిన్నెర వారిని ఆయన అభినందించారు. అనంతరం కేంద్ర నాటక అకాడమీ పురస్కార గ్రహీత డాక్టర్ మద్దాళి ఉషా గాయత్రీ నృత్య దర్శకత్వంలో నృత్య కిన్నెర శిష్యబృందం శ్రీ అలమేలు మంగ చరితం కూచిపూడి నృత్య రూపకం, హంసధ్వని కూచిపూడి నృత్యాలయం శిష్య బృందం కూచిపూడి నృత్యమాలిక ప్రేక్షకులను ఆలరించాయి. తొలుత ఈ కార్యక్రమాల్ని ఆలయ పాలక మండలి అధ్యక్షుడు మస్తానయ్య, ప్రముఖ అడిటర్ రామరాజు శ్రీనివాస్ తో కలిసి బొప్పూడి కృష్ణమ...
మహా పూర్ణాహుతితో ముగిసిన వెంకటేశుని బ్రహ్మోత్సవాలు
స్థానిక బృందావన్గార్డెన్స్ శ్రీపద్మావతి గోదా సమేత శ్రీవేంకటేశ్వరస్వామి వార్షిక బ్రహ్మోత్సవాలు మంగళవారం పూర్ణాహుతితో ముగిశాయి. ఆలయ ప్రధానార్చకులు పరుచూరి మాధవస్వామి, పరాశరం కృష్ణప్రసాద్ బృందం హోమం నిర్వహించారు. ఉదయం నిత్యపూజలు, చూర్ణోత్సవం, అవబధోత్సవం విశేషంగా జరగ్గా, శ్రీవిరూపాక్ష విద్యారణ్య పీఠాధిపతులు(హంపి) విద్యారణ్య భారతిస్వామి మహాపూర్ణాహుతి భక్తిశ్ర ద్ధలతో చేపట్టారు. తొలి రోజు నుంచి హోమాలకు హాజరైన దంపతులు కలశాలతో ఊరేగింపుగా స్వామి వద్దకు చేరుకుని ఆరాధన నిర్వహించారు. రుత్వికులు ధ్వజావరోహణ పూజలు చేపట్టగా, భక్తులకు తీర్థప్రసాదాలు, అన్న సంతర్పణ చేశారు. ఆలయ సత్సంగ్ గోష్టి, లలిత, విష్ణు సహస్ర నామ పారాయణాలు జరిగాయి. ఆలయ పాలకమండలి అధ్యక్షులు సి.హెచ్.మస్తానయ్య, భారతి ధార్మిక విజ్ఞాన పరిషత్ అధ్యక్షులు బొల్లేపల్లి సత్యనా రాయణ, పాలకమండలి ప్రధాన కార్యదర్శి బొర్రా ఉమామహేశ్వరరావు, ఉపాధ్యక్షులు లంకా విజయబాబు, సూర్యదేవర వెంకటేశ్వరరావు, సహాయ కార్యదర్శి ఊటుకూరి నాగేశ్వరరావు, కన్నెగంటి బుచ్చయ్యచౌదరి, పుట్టగుంట ప్రభాక రరావు పాల్గొన్నారు.
కామెంట్లు
కామెంట్ను పోస్ట్ చేయండి