అలరించిన భక్తి సంకీర్తనలహరి - 01.05.2026

అలరించిన భక్తి సంకీర్తనలహరి

బృందావన్ గార్డెన్స్ శ్రీవేంకటేశ్వరస్వామి దేవాలయ ప్రాంగణంలోని అన్నమయ్య కళావేదికపై బెల్లంకొండ చారిటబుల్ ట్రస్ట్ ఆధ్వర్యంలో శుక్రవారం రాత్రి సంకీర్తనలహరి జరిగింది. శ్రీలక్ష్మీనరసింహ దేవోభవ అనే పేరున జరిగిన సంకీర్తనలహరిలో చింతలపాటి రమామహేశ్వరి, ఇమ్మడి అంజనీదేవి, కె. నాగలక్ష్మి, సీహెచ్. విశ్వపావని సంకీర్తన గానం చేశారు. తొలుత ఆలయ పాలకమండలి అధ్యక్షుడు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతి వెలిగించి కార్యక్రమాన్ని ప్రారంభించారు. పి.బాలాజీ, పాలపర్తి ఆంజనే యశాస్త్రి వాద్య సహకారం అందించారు.