ప్రజలందరూ ఆయురారోగ్యాలతో జీవించాలి స్థానిక బృందావన్గార్డెవ్స్ శ్రీవేంకటేశ్వరస్వామి దేవాలయం అన్నమయ్య కళావేదికపై బుధవారం భారతీ ధార్మిక విజ్ఞాన పరిషత్ వ్యవస్థాపక దినోత్సవం సందర్భంగా ఆదిత్య హృదయ పారాయణం, శృంగార నైషధంపై ఆధ్యాత్మిక ప్రవచనం నిర్వహించారు. ఆలయ కమిటీ అధ్యక్షులు సీహెచ్ మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. ఆధ్యాత్మిక ప్రవచకురాలు డాక్టర్ కోగంటి వేంకట శ్రీరంగనాయకి ప్రవచిస్తూ పాకిస్థాన్ యుద్ధంలో భారత దేశమే పైచేయి కావాలని అన్నారు. కోవిడ్-19 బారిన పడకుండా ప్రజలు ఆయురారోగ్యాలతో ఉండాలన్నారు. భాగవత గోష్ఠితో మూడుసార్లు ఆదిత్య హృదయ పారాయణం నిర్వహించారని అన్నారు. అనంతరం శృం గార నైషధంలోని ఇతివృత్తాన్ని వివరించారు.
వైభవంగా శ్రీవారి కల్యాణం
స్థానిక బృందావన గార్డెన్స్ శ్రీ వేంకటేశ్వరస్వామి దేవాలయం అన్నమయ్య కళావేదికపై బుధవారం అక్షయ తిధి సందర్భంగా లోక కల్యాణం కాంక్షిస్తూ మర్రెడ్డి రామకృష్ణారెడ్డి మృదుల దంపతులు, బొల్లేపల్లి సత్యనారాయణ, లలితాంబ దంపతులు, ఆలయ పాలకమండలి సహకారంతో శ్రీ పద్మావతి గోదా సమేత శ్రీ వేంకటేశ్వరస్వామి కల్యాణ మహోత్సవం కనుల పండువగా జరిగింది. తిరుపతి బ్రహ్మోత్సవ వ్యాఖ్యాత నారాయణం ప్రసాదాచార్యుల వారి విశేష వ్యాఖ్యానంతో ఆలయ అర్చకులు పరుచూరి మాధవస్వామి, పరాశరం కృష్ణకిషోర్ బృందం నిర్వహణలో బృందావన శ్రీనివాసుని కల్యాణం నిర్వహించారు. తొలుత రాష్ట్ర ప్రభుత్వ హంస, కళారత్న పురస్కారం అందుకున్న ఆలయ పాలకమండలి అధ్యక్షుడు సీహెచ్ మస్తానయ్యను ఘనంగా సత్కరించారు. కార్యక్రమంలో శ్రీహరిబాబు బృందంచే అన్నమయ్య సంకీర్తనల గానం, కోలాటం, తాళంభజన వంటి అనేక కార్యక్రమాలతో ప్రాంగణం కిక్కిరిసిన భక్తులతో కళకళలాడింది.
కామెంట్‌లు
కామెంట్‌ను పోస్ట్ చేయండి