కృష్ణలీలా వైభవ వర్ణణ నిధి గోవిందాష్టకం స్థానిక బృందావన్ గార్డెన్స్ శ్రీ వేంకటేశ్వరస్వామి వారి దేవాలయం అన్నమయ్య కళావేదికపై బుధవారం శ్రీగోవిందాష్టకమ్ పై ఆధ్యాత్మిక ప్రవచనం జరిగింది. తొలుత ఆలయకమిటి అధ్యక్షులు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, సుందర సత్సంగ్ సభ్యులు జ్యోతిప్రజ్వలన చేసి కార్యక్రమాన్ని ప్రారంభించారు. సుందర సత్సంగ్ సభ్యులు కె.వి. కోటేశ్వరరావు ప్రవచిస్తూ గోవిందాష్టకమ్ అనేది జగద్గురు ఆదిశంకరాచార్యుల వారు శ్రీకృష్ణుడిని స్తుతిస్తూ రచించిన ఒక అత్యంత మధురమైన , భక్తిరస పూరితమైన స్తోత్రమన్నారు. ఎనిమిది శ్లోకాలతో కూడిన ఈ అష్టకంలో శ్రీకృష్ణుని లీలలు , ఆయన దివ్య మంగళ స్వరూపం , పరమాత్మ తత్త్వం అద్భుతంగా వర్ణించబడ్డాయన్నారు. శంకరాచార్యుల వారు ఈ స్తోత్రంలో కృష్ణుడిని కేవలం ఒక గోపాలకుడిగా మాత్రమే కాకుండా , సృష్టి-స్థితి-లయ కారకుడైన పరబ్రహ్మ స్వరూపంగా కొనియాడారన్నారు.
ఆకట్టుకున్న యక్షగాన ప్రదర్శన
త్యాగరాజ స్వామి దాదాపు రెండున్నర శతాబ్దాల నాడు కొన్ని ప్రదర్శనలిచ్చిన అపురూప యక్షగానం శని వారం రాత్రి ప్రదర్శితమైంది. ఈశ్వర వరప్రసాద పరిషత్తు ఆధ్వర్యంలో స్థానిక బృందావన గార్డెన్స్ వెంకటేశ్వరస్వామి దేవాలయ ప్రాంగణంలో నాట్యాచార్య కాజ వెంకట సుబ్రహ్మణ్యం తన శిష్య బృందంతో కలిసి ప్రదర్శించారు. త్యాగయ్యగా కాజ వెంకట సుబ్ర హ్మణ్యం, విష్ణుమూర్తి పాత్రలో కొల్లి అక్షయ, లక్ష్మీదేవిగా దేవేంద్ర గాయత్రి, ప్రహ్లాద పాత్రలో బిక్కి తోషిత, నారదుడుగా కొర్లకుంట వైష్ణవి, సముద్రుడు పాత్రలో నాట్యా చార్య బాలు, గరుత్మంతుడుగా దొంతి రెడ్డి లక్ష్మి గోపిక, ద్వారపాలక పాత్రలో పూల భరణి పాల్గొన్నారు. రవికృష్ణ, దేవస్థానం పాలక మండలి అధ్యక్షుడు చిటిపోతు మస్తానయ్య తది తరులు తొలుత జ్యోతి వెలిగించి కార్యక్రమాలను ప్రారంభించారు. కార్యక్రమంలో నాగలక్ష్మి, చంద్రమోహన్, సత్యనారాయణరాజు తదితరులు కార్యక్రమాలను పర్యవేక్షించారు.
.jpeg)
.jpeg)
కామెంట్లు
కామెంట్ను పోస్ట్ చేయండి