ఘనంగా అన్నమాచార్య జయంత్యుత్సవం బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై గాయత్రీ మహిళా మండలి ఆధ్వర్యంలో తాళ్లపాక అన్నమాచార్య జయంత్యుత్సవం శనివారం రాత్రి జరిగింది. తొలుత కార్యక్రమాలను ఛాతీ సంబంధ వ్యాధుల చికిత్స నిపుణుడు డాక్టర్ శ్రీకంటి రఘు, మైధిలి దంపతులు, ఆలయ కమిటీ అధ్యక్షుడు సీహెచ్. మస్తానయ్య, సహాయ కార్యదర్శి ఊటుకూరి నాగేశ్వరరావు, భూసురపల్లి వెంకటేశ్వర్లు జ్యోతి వెలిగించి ప్రారంభించారు. అనంతరం సుప్రసిద్ధ సంగీత విద్వాంసుడు మల్లాది సూరిబాబును సత్కరించారు. మల్లాది సోదరులు శ్రీరామప్రసాద్, రవికుమార్ల శాస్త్రీయ సంగీత గాత్ర కచేరీ జరిగింది. సంస్థ అధ్యక్షు రాలు డాక్టర్ పి.విజయ, ప్రధాన కార్యదర్శి ఎం.వై. శేషురాణి, ఉపాధ్యక్షురాలు డాక్టర్ ఎం. రాజరాజేశ్వరి, మాధవపెద్ది మీనాక్షి, పాటిబండ లలితాదేవి, కార్యదర్శి ఏవీ మంగాదేవి, కోశాధికారి డాక్టర్ మాధవపెద్ది విజయలక్ష్మి కళాకారులు, అతిథులను సత్కరించారు.
రెండో రోజు కొనసాగిన మహా మంజీరనాదం
బృందావన్ గార్డెన్స్ శ్రీవెంకటేశ్వరస్వామి దేవస్థానం అన్నమయ్య కళావేదికపై 15వ అంతర్జాతీయ నృత్య దినోత్సవంలో భాగంగా నిర్వహిస్తున్న మహా మంజీరనాదం- 2025 గురువారం రెండో రోజుకి చేరాయి. శ్రీసాయి మంజీర కూచిపూడి ఆర్ట్ అకాడమీ ఆధ్వర్యంలో జరగ్గా, పాలకమండలి ఉపాధ్యక్షుడు లంకా విజయబాబు జ్యోతిప్రజ్వలనతో ప్రారంభించారు. సంస్థ అధ్యక్షుడు భూసురపల్లి వెంకటేశ్వర్లు అధ్యక్షత వహించారు. అనంతరం ఆతీరా ఎ.వర్మ (కొట్టాయం, కేరళ) కూచిపూడి నృత్యాన్ని, లక్ష్మీనాయర్ (తిరువనంతపురం, కేరళ) మోహిని ఆట్టం నృత్యం, పేరిణి కిరణ్(హైదరాబాద్) పేరిణి నృత్యాన్ని ప్రదర్శించారు. కళారత్న రాయన గిరిధర్ గౌడ్ మాట్లాడగా, కళాకారులను యువకళారత్న పురస్కారాలతో సంస్థ కార్యదర్శి కళారత్న డాక్టర్ కాజ వెంకటసుబ్రహ్మణ్యం సత్కరించారు.
కామెంట్‌లు
కామెంట్‌ను పోస్ట్ చేయండి