అలరించిన తాళం భజన స్థానిక బృందావన్ గార్డెన్స్ శ్రీ వేంకటేశ్వరస్వామి దేవాలయ ప్రాంగణం అన్నమయ్య కళావేదికపై శనివారం శ్రీ సాయిమారుతి భజన మండలి, గుంటూరు వారిచే తాళంభజన కార్యక్రమం ప్రేక్షకులను అలరించింది. తొలుత ఆలయ కమిటి అధ్యక్షులు సీహెచ్. మస్తానయ్య, ఉపాధ్యక్షులు లంకా విజయబాబు, విద్యావేత్త నూతలపాటి తిరుపతయ్య జ్యోతిప్రజ్వలన చేసి కార్యక్రమాన్ని ప్రారంభించారు. వి. మల్లేశ్వరరావు బృందం తమ గాత్ర ధారణలో ఓ గణనాథ, జయ గణనాధ, విఠల విఠల పాహిమాం, హరహర మహాదేవ, ఓం సాయి శ్రీసాయి అంటూ పలు భక్తి గీతాలను తాళంభజన రూపంలో చక్కగా ఆలపించి ఆహుతులను ఆకట్టుకున్నారు. తబలపై రమణ, కీబోర్డుపై సాయి వాయిద్యసహకారం అందించారు.
కలిపురుషుని వృత్తాంతంపై ప్రవచనం
స్థానిక బృందావన్ గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళావేదికపై బుధ వారం మహాభారతంలోని అర ణ్యపర్వంపై ఆధ్యాత్మిక ప్రవ చనం జరిగింది. తొలుత ఆల య కమిటీ సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలన చేసి కార్యక్రమాన్ని ప్రారంభిం చారు. ప్రముఖ ఆధ్యాత్మిక ప్రవచ కులు గుదిమెళ్ళ శ్రీకూర్మనాధస్వామి ప్రవచిస్తూ మహాభారతం ప్రకారం కలి ఒక దుష్టదేవత అని పూర్వీకులైన కశ్యపముని పదిహేనో కుమారుడిగా జన్మించాడన్నారు. కలియుగ ప్రభువు గా కలి తన ప్రభావాన్ని పాపపు చర్యలను ప్రోత్సహించడానికి రాజు పరిక్షిత్తు మహారాజుని అడిగి పొందిన వర సహాయంతో జూదం, మద్యపానం, వ్యభిచారం, హత్య, బంగారం అనే ఐదు వ్యసనాలకు లోబడిన ప్రజలను ఆవహించి వారిని పతనం చేస్తాడన్నారు. ఆయన కథనంలో ఆయన చేత పీడించి, హింసించబడిన నల మహారాజు వంటి వ్యక్తులతో ముడిపడి ఉందన్నారు. మహాభారతంలో దుర్యోధనుడు ఆయన అవతారంగా పరిగణించబడ్డారన్నారు.
కామెంట్‌లు
కామెంట్‌ను పోస్ట్ చేయండి