అలరించిన భక్తి సంగీత విభావరి స్థానిక బృందావన్ గార్డెన్స్ శ్రీ వేంకటేశ్వరస్వామి ఆలయ ప్రాంగణం అన్నమయ్య కళావేదికపై శనివారం సాయంత్రం హైదరాబాదు వాస్తవ్యులు శ్రీవాణీ కళానికేత్ నిర్వాహకులు , ఇండియన్ ఓవర్సీస్ బ్యాంక్ విశ్రాంత సీనియర్ బ్రాంచి మేనేజర్ , ఆకాశవాణి , దూరదర్శన్ కళాకారులు శ్రీ భాగినారాయణశాస్త్రి గారిచే కర్ణపేయమైన అనేక భక్తిగీతాలు , శ్రీ అన్నమాచార్యుల సంకీర్తనలు గానం చేసి ఆహుతులను ఆకట్టుకున్నారు. తొలుత ఆలయ అధ్యక్షులు సిహెచ్. మస్తానయ్య , ఉపాధ్యక్షులు లంకా విజయబాబు, ప్రధాన కార్యదర్శి బొర్రా ఉమామహేశ్వరరావు జ్యోతిప్రజ్వలన చేసి కార్యక్రమాన్ని ప్రారంభించారు. భాగినారాయణశాస్త్రిచే వెండికొండ మీద ఉన్న, తిరుపతి వేంకట రమణ , హరే వేంకట రమణ బ్రోవరా , సప్తగిరులపై వెలసి వేంకటేశ , నామేను పులకించె ఈ జన్మ తరియించే అంటూ అనేక భక్తిగీతాలతో పాటు , మాధవా కేశ మధుసూదన , ఇందరికీ అభయంబు ఇచ్చుచేయి , నానాటి బ్రతుకు నాటకము , రంగ రంగ రంగపతి రంగనాధ్ , చూడరమ్మ సతులాలా అంటూ పలు అన్నమయ్య కీర్తనలు శ్రవణానందకరంగా ఆలపించి కచేరిని రక్తికట్టించారు. వీరికి వయోలిన్‌పై పి.యస్.ఆర్. ఆంజనేయశాస్త్రి, కీబోర్డుపై బి.యస్. సత్యదే...
నాటక రంగానికి రవికుమార్ సేవలు ఎనలేనివి
బృందావన్ గార్డెన్స్ శ్రీవేంకటేశ్వరస్వామి దేవాలయంలోని అన్నమయ్య కళావేదికపై రంగస్థల నటుడు, రచయిత డాక్టర్ నరాలశెట్టి రవికుమార్ కు గురువారం రాత్రి పురస్కార ప్రదానం జరి గింది. సారిపల్లి కొండలరావు సారధ్యంలో యువకళావా హిని ఆధ్వర్యంలో వైకే నాగేశ్వరరావు జయంతి సంద ర్భంగా ఈ పురస్కారం అందించారు. సభకు యువకళా వాహిని అధ్యక్షుడు లంక లక్ష్మీనారాయణ అధ్యక్షత వహిం చారు. ముఖ్య అతిథిగా మాజీ మంత్రి డొక్కా మాణిక్యవర ప్రసాద్ పాల్గొన్నారు. ఆత్మీయ అతిథులుగా రామరాజు ఫౌండేషన్ ప్రతినిధి రామరాజు శ్రీనివాసరావు, ఆలయ పాల కమండలి సహ కార్యదర్శి ఊటుకూరి నాగేశ్వరరావు, శారద కళా సమితి అధ్యక్షుడు దోగిపర్తి శంకరరావు, ఆప్కాబ్ బ్రాంచి మేనేజర్ పి. లక్ష్మీ సువర్చల, విశ్రాంత అధ్యాపకుడు నూతలపాటి తిరుపతయ్యలు పాల్గొని.. రవికుమార్ నాటక రంగానికి చేసిన కృషిని వివరించారు. అనంతరం డాక్టర్ నరాలశెట్టి రవికుమార్ బృందం సత్యహరిశ్చంద్రీయం నాట కంలోని వారణాసి ఘట్టం ప్రదర్శించి ప్రేక్షకుల మన్ననలు అందుకున్నారు. కార్యక్రమాలను లంక లక్ష్మీనారాయణ, బొప్పన నరసింహారావు. భాగి శివశంకరశాస్త్రి, ఎంఏ హమీద్, జి.మల్లికార్జునరావు, జానీబాషా పర్యవేక్షించారు.
కామెంట్‌లు
కామెంట్‌ను పోస్ట్ చేయండి