ప్రజలందరూ ఆయురారోగ్యాలతో జీవించాలి స్థానిక బృందావన్గార్డెవ్స్ శ్రీవేంకటేశ్వరస్వామి దేవాలయం అన్నమయ్య కళావేదికపై బుధవారం భారతీ ధార్మిక విజ్ఞాన పరిషత్ వ్యవస్థాపక దినోత్సవం సందర్భంగా ఆదిత్య హృదయ పారాయణం, శృంగార నైషధంపై ఆధ్యాత్మిక ప్రవచనం నిర్వహించారు. ఆలయ కమిటీ అధ్యక్షులు సీహెచ్ మస్తానయ్య, సహాయ కార్యదర్శి ఊటుకూరి నాగేశ్వరరావు జ్యోతి ప్రజ్వలనతో ప్రారంభించారు. ఆధ్యాత్మిక ప్రవచకురాలు డాక్టర్ కోగంటి వేంకట శ్రీరంగనాయకి ప్రవచిస్తూ పాకిస్థాన్ యుద్ధంలో భారత దేశమే పైచేయి కావాలని అన్నారు. కోవిడ్-19 బారిన పడకుండా ప్రజలు ఆయురారోగ్యాలతో ఉండాలన్నారు. భాగవత గోష్ఠితో మూడుసార్లు ఆదిత్య హృదయ పారాయణం నిర్వహించారని అన్నారు. అనంతరం శృం గార నైషధంలోని ఇతివృత్తాన్ని వివరించారు.
ఆకట్టుకున్న నృత్యప్రదర్శన
స్థానిక బృందావన్ గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళావేదికపై రాధామాధవ కల్చరల్ అసోషియేషన్ ఆధ్వర్యంలో 319వ నెలనెలా వెన్నెల సందర్భంగా ఆదివారం జరిగిన నృత్యప్రదర్శన ప్రేక్షకులను ఆకట్టుకుంది. తొలుత పారిశ్రామికవేత్త మిట్టపల్లి రమేష్బాబు తదితరులు కార్యక్రమాన్ని ప్రారంభించారు. కూచిపూడి నృత్య ప్రదర్శన ప్రేక్షకులను ఆకట్టుకున్నాయి. ఈ సందర్భంగా పలు నాట్యగు రువులు బెళ్ళగుబ్బల అనితారావ్, బి.శారద, చింత వెంకట శివరామకృష్ణకుమార్, టి.సాయిమాధవి, చింతల భ్రమరాంబిక, అనంతుల విజయకుమారిలను నాట్యసారధి అవార్డుతో వారి శిష్యులకు నాట్యరంజని అవార్డుతో ఘనంగా సత్కరించారు.
కామెంట్‌లు
కామెంట్‌ను పోస్ట్ చేయండి