మనదేశంలో మహిళలకు గౌరవ స్థానం స్త్రీలను గౌరవించే సమాజం అభివృద్ధి చెందుతుందని, అందుకే తొలినాళ్ల నుంచి మనదేశంలో మహిళలకు గౌరవ స్థానమిచ్చారని నిఘంటు రచయిత పెద్ది సాంబశివరావు పేర్కొన్నారు. వివిధ రంగాల్లో సేవలందిస్తున్న విశిష్ట మహిళలను గుళ్లపల్లి సుబ్బారావు సేవాసంస్థ ఆధ్వర్యంలో బృందావన్ గార్డెన్స్ శ్రీవెంకటేశ్వరస్వామి దేవస్థానంలోని అన్నమయ్య కళావేదికపై సోమవారం రాత్రి సత్కరించారు. న్యాయవాది, రచయిత్రి నల్లూరి రుక్మిణి, గాయత్రి మహిళా సంగీత సన్మండలి ప్రధాన కార్యదర్శి ఎంవై శేషురాణి, బుర్రకథ కళాకారిణి యడవల్లి శ్రీదేవిలను శాలువా, జ్ఞాపిక, సన్మాన పత్రాలతో నిర్వాహకులు సత్కరించారు. కార్యక్రమంలో ఎం. వేదవతి, గుళ్లపల్లి స్వాతి, గుళ్లపల్లి రాఘవేంద్రరావు, దేవస్థానం పాలకమండలి అధ్యక్షుడు చిటిపోతు మస్తానయ్య, అర్థలపూడి నేహా తదితరులు పాల్గొన్నారు. యడ వల్లి శ్రీదేవి బృందం బుర్రకథ ఆకట్టుకుంది.
అలరించిన శ్రీరామ గానామృతం
బృందావన్ గార్డెన్స్ శ్రీవెంకటేశ్వరస్వామి ఆలయ ప్రాంగణం అన్నమయ్య కళావేదికపై భక్త నారద గాన సభ ఆధ్వర్యంలో శనివారం రాత్రి జరిగిన శ్రీరామ గానామృతం ప్రేక్షకులను ఆకట్టుకుంది. వసంత నవరాత్రి మహోత్సవాల సందర్భంగా ఏర్పాటు చేసిన కార్యక్రమంలో తొలుత విశ్రాంత అదనపు ఎస్పీ కాళహస్తి సత్యనారాయణ, సంగీత విద్వాంసుడు కేవీ బ్రహ్మానందం, ఆలయ కమిటీ అధ్యక్షుడు సీహెచ్ మస్తానయ్య జ్యోతి వెలిగించారు. సంగీత విద్వాంసుడు డాక్టర్ ఆకురాతి కోదండరామయ్య భక్తి గీతాలను ఆలపించారు. వయోలిన్ పాలపర్తి ఆంజనేయశాస్త్రి, మృదంగంపై కాకరపర్తి జగన్మోహిని వాద్య సహకారం అందించారు. కార్యక్రమం అనంతరం కోదండ రామయ్యను నిర్వాహకులు సత్కరించారు.
కామెంట్‌లు
కామెంట్‌ను పోస్ట్ చేయండి