మనదేశంలో మహిళలకు గౌరవ స్థానం స్త్రీలను గౌరవించే సమాజం అభివృద్ధి చెందుతుందని, అందుకే తొలినాళ్ల నుంచి మనదేశంలో మహిళలకు గౌరవ స్థానమిచ్చారని నిఘంటు రచయిత పెద్ది సాంబశివరావు పేర్కొన్నారు. వివిధ రంగాల్లో సేవలందిస్తున్న విశిష్ట మహిళలను గుళ్లపల్లి సుబ్బారావు సేవాసంస్థ ఆధ్వర్యంలో బృందావన్ గార్డెన్స్ శ్రీవెంకటేశ్వరస్వామి దేవస్థానంలోని అన్నమయ్య కళావేదికపై సోమవారం రాత్రి సత్కరించారు. న్యాయవాది, రచయిత్రి నల్లూరి రుక్మిణి, గాయత్రి మహిళా సంగీత సన్మండలి ప్రధాన కార్యదర్శి ఎంవై శేషురాణి, బుర్రకథ కళాకారిణి యడవల్లి శ్రీదేవిలను శాలువా, జ్ఞాపిక, సన్మాన పత్రాలతో నిర్వాహకులు సత్కరించారు. కార్యక్రమంలో ఎం. వేదవతి, గుళ్లపల్లి స్వాతి, గుళ్లపల్లి రాఘవేంద్రరావు, దేవస్థానం పాలకమండలి అధ్యక్షుడు చిటిపోతు మస్తానయ్య, అర్థలపూడి నేహా తదితరులు పాల్గొన్నారు. యడ వల్లి శ్రీదేవి బృందం బుర్రకథ ఆకట్టుకుంది.
నాగాచారికి కాళహస్తి కళావాహిని పురస్కారం
స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై బుధవారం సాయంత్రం ప్రముఖ రంగస్థల నటులు, హార్మోనిస్టు దివంగత పోత కమూరి కాళహస్తీశ్వరరావు వర్ధంతి సభ నిర్వ హించారు. ఆలయ పాలక మండలి అధ్యక్షులు సి. హెచ్.మస్తానయ్య జ్యోతి ప్రజ్వలనతో ప్రారంభించారు. కాళహస్తి కళావాహిని అధ్య క్షుడు ఎంవీఎల్ నరసింహారావు, ప్రధాన కార్య దర్శి పోతకమూరి తారకబ్రహ్మాచార్యులు, హిం దూ కళాశాల తెలుగు విభాగాధిపతి ఆచా ర్యులు ఎల్లాప్రగడ మల్లికార్జునరావు ప్రసంగించారు. యెల్లంపల్లి యరజర్ల నాగాచారికి కాళహస్తి కళావాహిని పురస్కారం ప్రదానం చేసి సత్కరించారు. అనంతరం నవక్రాంతి కల్చరల్ అసోసియేషన్(హైదరాబాద్) ఆధ్వర్యంలో ఎం .అర్జునరావు దర్శకత్వంలో నర్తనశాల పౌరా ణిక నాటకం ప్రదర్శించారు. కీచకుడిగా ఎం.ఆర్జునరావు, విరాటరాజుగా బి.శ్రీనివాసులు, కంకుభట్టు ఎస్. గాబ్రియేలు, వలలుడు ఎం .శ్రీనివాస్, బృహన్నల జి.మధుసూధనరావు, తంత్రిపాలుడు ఎస్. బ్రహ్మాజీరావు, సుధే ష్టదేవి సురభి విజయలక్ష్మి తదితరులు తమ నటన చాతుర్యంతో నాటకాన్ని రక్తి కట్టించారు. పి.వినాయకరాజ్ బృందం సంగీతాన్ని సమ కూర్చగా, కళాకారులను సత్కరించారు.
కామెంట్‌లు
కామెంట్‌ను పోస్ట్ చేయండి