ఆధ్యాత్మికత శాంతికి సోపానం సమాజంలో ఆధ్యాత్మిక చింతన పెరిగినప్పుడు శాంతి వర్ధిల్లుతుందని గుంటూరు పశ్చిమ ఎమ్మెల్యే గళ్ల మాధవి అన్నారు. స్థానిక బృందావన గార్డెన్స్ శ్రీవేంకటేశ్వరస్వామి ఆలయంలో అష్టబంధన మహాసంప్రోక్షణ సమేత మహాకుంభాబిషేక మహోత్సవాలు వైభవంగా జరిగాయి. ఈ సందర్భంగా ఆదివారం శేష వాహన సేవ ఆలయ పాలకమండలి ఉపాధ్యక్షుడు లంకా విజయబాబు ఆధ్వర్యంలో వైభవంగా జరిగింది. మూలవిరాట్లకు విశేష అభిషేకాలు, అర్చనలు, ఆలంకరణ నిర్వహించారు. ఈ సందర్భంగా జరిగిన సభకు ఆలయ పాలకమండలి అధ్యక్షుడు సీహెచ్ మస్తానయ్య అధ్యక్షత వహిం చారు. ఎమ్మెల్యే మాధవి మాట్లాడుతూ తిరుమలలో జరిగినట్లుగానే గుంటూరులో ఉత్సవాలు నిర్వహించడం ఆనందదాయకమన్నారు. భీమవరానికి చెందిన త్రిదండి రామచంద్ర రామానుజ జీయర్ స్వామి భాగవత విశేషాలను వివరించారు. ప్రముఖ సాహితీవేత్త మల్లాది కైలాస నాథ్ కుంభాబిషేక విశిష్టతను వివరించారు. వీవీఐటీ విద్యాసంస్థల చైర్మన్ వాసిరెడ్డి విద్యాసాగర్, భారతీ ధార్మిక విజ్ఞానపరిషత్ వ్యవస్థాపకుడు బొల్లే పల్లి సత్యనారాయణ, బొర్రా ఉమామహేశ్వరరావు ప్రసంగించారు. లంకా సూర్యనారాయణ, ఊటుకూరి నాగేశ్వరరావు, పుట్టగుంట ప్రభాకరరావు, సూర్యదే...
అలరించిన సినీ సౌరభాలు
స్థానిక బృందావన్ గార్డెన్స్ శ్రీ వెంకటేశ్వర స్వామి ఆలయ ప్రాంగణం అన్నమయ్య కళావేదికపై మహతి స్వర సుధ రజతోత్సవ వేడుకల సందర్భంగా ఆదివారం ద్వితీయ కార్యక్రమంలో జరిగిన సినీ సౌరభాలు ప్రేక్షకులను ఆకట్టుకున్నాయి. తొలుత చార్టెడ్ అకౌంటెంట్ జి. సాయిబాబు, సాహితీ ప్రియులు పచ్చి పులుసు సూర్యనారాయణ, కే.శ్రీధర్ బాబు, బొబ్బిళ్ళ వెంకటేశ్వరరావు, మన్నవ సుబ్బారావు,ఆలయ కమిటీ సహాయ కార్యదర్శి ఊటుకూరి నాగేశ్వరరావు లు జ్యోతి ప్రజ్వలన చేసి కార్యక్రమాన్ని ప్రారంభించారు. గాయని గాయకులు పత్రి నిర్మల, జి హరికృష్ణ, డాక్టర్ ఏ వీర రాఘవ, ఎస్ కే రసూల్ బాబు, బి కృష్ణ ప్రసాద్, కీబోర్డు కే రవి, ఎస్ కే వలీ, సిహెచ్ రాజ్యలక్ష్మి, ఎం ఎం ప్రసన్నలక్ష్మి, ఎండి జరీనా, జి సువర్ణ విద్య, వి. రాజేశ్వరి దేవి, సిహెచ్ సుధా శ్రీనివాస్,బి ప్రద్యుమ్న సత్యోద్భవి లు తమ గాత్రధారణ లొ అలనాటి మేటి చిత్రాల్లోని పలు మధుర గీతాలను శ్రావ్యంగా ఆలపించారు. కీబోర్డుపై కే రవిబాబు, తబలాపై ఎస్ వెంకట్, ప్యాడ్స్ పై టి.ఈశ్వర్ వాయిద్య సహకార అందించారు. కె.మదన్ మోహన్ రావు కార్యక్రమాన్ని పర్యవేక్షించారు.
కామెంట్‌లు
కామెంట్‌ను పోస్ట్ చేయండి