రవికిరణ్ కు అయ్యంగార్ అవార్డు ప్రదానం స్థానిక బృందావన్ గార్డెన్స్, శ్రీ వేంకటేశ్వరస్వామి దేవాలయం అన్నమయ్య కళావేదికపై గాయత్రీ మహిళా సంగీత సన్మండలి ఆధ్వర్యంలో డాక్టర్ వింజమూరి వరదరాజ అయ్యంగార్ 111వ జయంతి మ్యూజిక్ ఫెస్టివల్ సందర్భంగా పురస్కార ప్రదానోత్సవం, శాస్త్రీయ సంగీత కచేరీ నిర్వహిం చారు. తొలుత కార్యక్రమాన్ని డాక్టర్ లలిత్ ప్రకాష్ చంద్రజ్యోతి ప్రజ్వలనతో ప్రారంభించారు. ముఖ్య అతిథి డాక్టర్ బి. విజయభాస్కర్, గౌరవ అతిథులు వింజమూరి సంధ్య (చెన్నై), ఆలయ కమిటీ అధ్య క్షుడు సీహెచ్ మస్తానయ్య పాల్గొని డాక్టర్ వింజమూరి వరదరాజ అయ్యంగార్ సంగీత సేవలను కొనియాడారు. అనంతరం జి.రవికిరణ్ కు డాక్టర్ వింజమూరి వరదరాజ అయ్యంగార్ మెమోరియల్ అవా ర్డును ప్రదానం చేసి సత్కరించారు. సభ అనంతరం రవికిరణ్ శాస్త్రీయ సంగీత గాత్ర కచేరీ నిర్వహించి త్యాగరాజు తదితర వాగ్గేయ కారుల కృతులను ఆలపించి సంగీతాభిమానులను ఆకట్టుకున్నారు. ఈ కార్యక్రమంలో సంస్థ ప్రధాన కార్యదర్శి ఎం.వై. శేషురాణి, ఉపాధ్యక్షులు మాధవపెద్ది మీనాక్షి డాక్టర్ రాజరాజేశ్వరి, పాటిబండ లలిత, కార్యదర్శి ఎ.వి. మంగాదేవి తదితరులు పాల్గొన్నారు.
షట్కాల శివలింగార్చన ప్రాముఖ్యత
స్థానిక బృందావన్ గార్డెన్స్ శ్రీవేంకటేశ్వరస్వామి ఆలయ ప్రాంగణం అన్నమయ్య కళావేదికపై కార్తీకమాసం సందర్భంగా షట్కాల శివలింగార్చన పై ఆధ్యాత్మిక ప్రవచన జరిగింది. తొలుత ఆలయ కమిటి సభ్యులు, తూనుగుంట్ల రాధాబాయి, వెలువోలు నాగరాజ్యలక్ష్మి జ్యోతిప్రజ్వలన చేసి కార్యక్రమాన్ని ప్రారంభించారు. డాక్టర్ వెలువోలు నాగరాజ్యలక్ష్మి ప్రవచిస్తూ షట్కాలం అంటే ఆరు సమయాలలో శివలింగాన్ని పూజించడమన్నారు. శైవ ఆగమాల ప్రకారం, శివాలయాలలో, ముఖ్యంగా దక్షిణాదిన ఉన్న పెద్ద దేవాలయాలలో, ఈ షట్కాల అర్చనను నిష్ఠగా ఆచరిస్తారన్నారు. ఈ ఆరు కాలాల్లో శివుడిని పూజించడం వల్ల సృష్టి, స్థితి, లయ అనే త్రిమూర్తుల కార్యాలు సక్రమంగా జరుగుతాయని, భక్తులకు మోక్షం లభిస్తుందని నమ్ముతారన్నారు. ఈ ఆరు కాలాలలో శివలింగానికి అభిషేకం, అలంకరణ, ధూప, దీప, నైవేద్య సమర్పణ మరియు మంత్ర పఠనంతో పూజ చేస్తారన్నారు. ఈ షట్కాల అర్చన హిందూ ఆగమ శాస్త్రాలలో, ముఖ్యంగా శైవ సంప్రదాయంలో, చాలా ముఖ్యమైనదిగా పరిగణించబడుతుందని తెలిపారు. డాక్టర్ తూనుగుంట్ల నాధాభాయి భారతీయ దృక్పధంలో పర్యావరణం అనే అంశంపై ప్రసంగించారు.
కామెంట్లు
కామెంట్ను పోస్ట్ చేయండి