అలరించిన లక్ష్మీనరసింహదాసు కీర్తనలు స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై శనివారం గాయత్రీ మహిళా సంగీత సన్మండలి ఆధ్వర్యంలో తూము లక్ష్మీనరసింహదాసు కీర్తనల సోదాహరణ పూర్వక ప్రత్యేక కార్యక్రమం నిర్వహించారు. గాన విద్యాప్రవీణ విద్వాన్ ఆకొండి శ్రీని వాస రాజారావు, తూము లక్ష్మీనరసింహదాసు కీర్తనలకు సోదాహరణ పూర్వక వివరణతో శ్రావ్యంగా ఆలపించారు. వయోలిన్పై పెరవలి నందకుమార్, మృదంగంపై బీరక సురేష్ బాబుల వాయిద్యాన్ని అందించారు. సంస్థ ఉపాధ్యక్షురాలు మాధవపెద్ది మీనాక్షి, ముఖ్య అతిథి పూర్వ ప్రధానాచార్యులు, హిం దూ కళాశాల గుంటూరు, సాహితీ రత్నాకర డాక్టర్ దీవి నరసింహ దీక్షిత్, ఆత్మీయ అతిథి డాక్టర్ సి. జ్యోతి కాంప్రసాద్ జ్యోతి ప్రజ్వలనతో కార్యక్రమాన్ని ప్రారంభించారు. ముఖ్యఅతిథి మాట్లాడుతూ తూము లక్ష్మీనరసింహ దాసు వాగ్గేయకారులలోని అనేక విశేషార్థాలను వివరిస్తూ ఇటువంటి కార్యక్రామాలు నిర్వహించడం అభినందనీయమన్నారు. కార్యక్రమంలో సంస్థ ఉపాధ్యక్షులు డాక్టర్ రాజరాజేశ్వరి, లలిత దేవి, మీనాక్షి, కార్యదర్శి ఏవీ మంగాదేవి, విజయలక్ష్మి పాల్గొనగా, కళాకారులను సత్కరించారు.
వందేమాతరం 150 సంవత్సరాల పండుగ
గుంటూరు బృందావన్ గార్డెన్స్ శ్రీ వేంకటేశ్వర దేవాలయం అన్నమయ్య కళావేదికపై శుక్రవారం సీనియర్ సిటిజను వెల్ఫేర్ అసోసియేషన్ మహిళా విభాగం ఆధ్యర్యంలో ‘వందేమాతరం’ 150 సం॥రాల పండుగ ఘనంగా జరిగింది. సభకు అధ్యక్షత వహించిన మహళావిభాగం అధ్యక్షరాలు డాక్టర్ టి. రాధాబాయి వందేమాతర గీతం స్వాతంత్ర్యోద్యమ కాలంలో ఎంతో ప్రభావం చూపిందని పేర్కొన్నారు. ముఖ్యాతిధి డాక్టర్ ఎమ్. ఉమాసుందరి ప్రకృతి వైద్యం - మహిళల కర్తవ్యం అనే అంశంపై ప్రసంగించి పలు సూచనలు చేశారు. పాఠశాల విద్యార్ధులు సిద్ధిక్, సిద్దిక్ష కవలలు వందేమాతర గీతం, దేశభక్తి గీతాలు ఆలపించారు. సభకు డా॥మైలవరపు లలితకుమారి స్వాగతం పలుకగా, దేవాలయ పాలకమండలి అధ్యక్షులు చిటిపోతు మస్తానయ్య, మహిళావిభాగం కార్యదర్శి, ప్రముఖ సాహితీవేత డా॥ వెలువోలు నాగరాజ్యలక్ష్మి. ఇతర సభ్యులు పాల్గొన్నారు.
కామెంట్‌లు
కామెంట్‌ను పోస్ట్ చేయండి