అలరించిన లక్ష్మీనరసింహదాసు కీర్తనలు స్థానిక బృందావన్గార్డెన్స్ శ్రీవేంకటేశ్వరస్వామి దేవాలయం అన్నమయ్య కళావేదికపై శనివారం గాయత్రీ మహిళా సంగీత సన్మండలి ఆధ్వర్యంలో తూము లక్ష్మీనరసింహదాసు కీర్తనల సోదాహరణ పూర్వక ప్రత్యేక కార్యక్రమం నిర్వహించారు. గాన విద్యాప్రవీణ విద్వాన్ ఆకొండి శ్రీని వాస రాజారావు, తూము లక్ష్మీనరసింహదాసు కీర్తనలకు సోదాహరణ పూర్వక వివరణతో శ్రావ్యంగా ఆలపించారు. వయోలిన్పై పెరవలి నందకుమార్, మృదంగంపై బీరక సురేష్ బాబుల వాయిద్యాన్ని అందించారు. సంస్థ ఉపాధ్యక్షురాలు మాధవపెద్ది మీనాక్షి, ముఖ్య అతిథి పూర్వ ప్రధానాచార్యులు, హిం దూ కళాశాల గుంటూరు, సాహితీ రత్నాకర డాక్టర్ దీవి నరసింహ దీక్షిత్, ఆత్మీయ అతిథి డాక్టర్ సి. జ్యోతి కాంప్రసాద్ జ్యోతి ప్రజ్వలనతో కార్యక్రమాన్ని ప్రారంభించారు. ముఖ్యఅతిథి మాట్లాడుతూ తూము లక్ష్మీనరసింహ దాసు వాగ్గేయకారులలోని అనేక విశేషార్థాలను వివరిస్తూ ఇటువంటి కార్యక్రామాలు నిర్వహించడం అభినందనీయమన్నారు. కార్యక్రమంలో సంస్థ ఉపాధ్యక్షులు డాక్టర్ రాజరాజేశ్వరి, లలిత దేవి, మీనాక్షి, కార్యదర్శి ఏవీ మంగాదేవి, విజయలక్ష్మి పాల్గొనగా, కళాకారులను సత్కరించారు.
వైభవంగా సత్యనారాయణస్వామి వ్రతం, దీపోత్సవం, జ్వాలతోరణం
స్థానిక బృందావన్ గార్డెన్స్‌లోని శ్రీవేంకటేశ్వరస్వామి దేవస్థాన ఆవరణలో సామూహిక సత్య నారాయణస్వామి వ్రతాన్ని ఆలయ ప్రధాన అర్చకులు మాధవస్వామి బృందం భక్తి శ్రద్దలతో చేపట్టారు. సాయంత్రం ధార్మిక ప్రాంగణంలో భారతీ ధార్మిక విజ్ఞాన పరిషత్ నిర్వాహాకులు బొల్లేపల్లి సత్యనారాయణ, లలితాంబ దంపతులు, వెంకటేశ్వర్వసామి దేవాలయ కమిటీ సభ్యులు, శ్రీశైలం దేవస్థానం పాలకవర్గ సభ్యులు బోడేపూడి సుబ్బారావు, సీనియర్ వైద్యులు కొండబోలు బసవపున్నయ్య హాజరై జ్వాలాతోరణం విశేషంగా నిర్వహించారు. మృత్యుంజయ లింగానికి అభిషేకాలు, కార్తీక దీపాలను వెలిగించి హరినామస్మరణ చేశారు. ఆనంతరం దీపోత్సవం కనుల పండుగగా చేపట్టారు.
కామెంట్‌లు
కామెంట్‌ను పోస్ట్ చేయండి